ইমা রজনীগী কুমওন থৌরম পাঙথোকখ্রে
ইম্ফার, ফেব্রুয়ারি ১২ : নুপীলালদা অচৌবা থৌদাং লৌরম্বী ইমা রজনী লৈখিদবগী ৩৪ শুবা কুমওন থৌরম ঙসি নুপীলাল মেমোরিয়েল এসোসিয়েসন্না শীন্দুনা তেরা বাজারদা লৈবা এসোসিয়েসন অসিগী হেদ ওফিসতা পাঙথোকখ্রে।
ইমা রজনীগী ফোটোদা হৈকৎ-লৈকৎ তমদুনা পাঙথোকখিবা থৌরম অদুদা এসোসিয়েসন অসিগী এদভাইজম য়ূমখাম ইন্দ্রানীনা হায়, নুপীলালগী থৌনা ফবী ইমাশিংনা খূৎতা খূৎলায় অমত্তা য়াওদনা হৌনরুবা তৌদনা বৃতিশকা শোক্নখিবা লান অদুগুম্বা মণিপুরগী ওইরক্লিবা ফীবম অসিদা ইরমদম অসি কন্ননবা হোৎনসি। ইমাশিংগী থৌনা লিংজেল অদু ঙসিগী মীরোলদা চেন্দুনা খ্বাংদা খ্বাংচেৎ লাক্তুনা থৌনা লৈনা ইরমদম অসি কল্লসি।
ঙসিগী মীরোল অসি নুপীলালদা অচৌবা থৌদাং লৌখিবা ইমাশিংগী চাদা-নাওদা ঙাক্তনি। মখোয়গী থৌনা লিংজেল অদু নৌহৌননা নীংশিংদুনা ইরমদম কনবনা মাঙদা থাদুনা ইরমদমগীদমক থৱায় থাবা কিগুমসি হায়না মহাক্না ফোঙদোকখি। থৌরম অদুদা এসোসিয়েসনগী থৌমীশিংসু শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু