আসাম-ত্রিপুরাদা ৱামাগী তেংবাংবগী খোঙচৎ লেপ্তনা চত্থরি
ইম্ফাল, অক্টেবর ১৯ : ৱাখল্লোন মান্নবা অপুনবা (ৱামা), কংলৈপাক্না লেপ্তনা লমদম অসিদা খুন্দামিন্নরিবা ফুরুপশিংগী মরক্তা অৱা-অনা তারকপা মতমদা লেপ্তনা মতেং পাংদুনা লাকপগী শরুক অমা ওইনা হৌজিক-হৌজিক ৱামাগী এসিষ্টেন্ট ওর্গানাইজেসন সেক্রেটারি ওইরিবা অসেম ইন্দ্রজিৎ মীতৈনা লুচিংবা মীওই ৫না শাবা কাংবু অমনা আসাম, ত্রিপুরা, জিরিদা হৌখিবা ওক্টোবর ৩দগী তেংবাং খোঙচৎ অমা চৎখিবা অদুগা মনুং চন্না আসামনা খুন্দারিবা অৱাবা তারবা ইচিন-ইনাওশিংদা চান-থক্নবা অমদি শেল ওইনা মতেং পাংখ্রবা মতুং ঙরাং ত্রিপুরাদা খুন্দাদুনা লৈরিবা অৱাবা তারবা ইচিন-ইনাওশিং অমুক মখা তানা মতেং পাংবা হৌখ্রে হায়রি।
মসিগী মনুং চন্না ত্রিপুরাদা লৈবা নোর্থ ত্রিপুরাগী মনুং চন্না লৈরিবা হিংবগী লম্বী লৈত্রবা নোংম-নোংমগী অফং-অফংবা শুরগা হিংলিবী লৈখিদ্রবা লৌরেম্বম সঞ্জিৎ, চহি ৪৯ অমদি পীক্লিবা মচানুপী ঙাক্তা অহুম অসিগা মশাগী অনাবা কেন্সর লায়নাগা লোয়ননা ৱানা হিংলিবী লৌরেম্বম সুচিত্রা দেবী, চহি ৪৫, কুমারঘাৎ, বেটচারা, উনোকোটি দিষ্ট্রিক্ট অসিগীদমক ৱামা, কংলৈপাককী মাইকৈদগী চান-থক্নবা অমদি শেলগী মতেং খরা পাংখ্রে হায়রি।
খোঙচৎ অদুদা মফমদুগী ক্লাবকী মেম্বারশিং অমদি কুমারঘাৎ বেটচারাগী ৱার্দ নম্বর ২ দা লৈবা থৌনাওজম রঙ্গো দেবীনা চাওনা মতেং পাংদুনা অচৌবা মায় পাকপা অমা ওইহনখিবগীদমক মফমদুগী মীয়াম্বু ৱামানা থাগৎলক্লি। মখা তানা তেংবাং খোঙচৎ অসি চত্থখিগনি। মসিদা লমদম অসিগী মীয়াম্না ৱামাবু নুংশিবীদুনা মহৌশাগুম মতেং পাংবীনবা আপিলসু তৌরক্লি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু