আপডেট:
image

অশেংবা ইরল ফিল্মগী দিরেক্টরদা ওসি মৈরাদা স্পেসিয়েল মেন্সন এৱার্দ পীরকখ্রে

ইম্ফাল, মার্চ ২৭ : দোসুয়ালি ফিল্ম প্রদক্সন মণিপুরগী বেনার মখাদা ক্ষেত্রিময়ুম সুবদনিগী ষ্টোরি, প্রদ্যুসার অমদি লিরিসিষ্ট তৌবা `অশেংবা ইরল' ফিল্মগী দিরেক্টর ওসি মৈরাদা জুরি স্পেসিয়েল মেন্সন এৱার্দ পীরকখ্রে হায়রি।

কোলকাতাগী সঙ্গিত কলা মন্দিরদা নুমীৎ নীনি চত্থরকখিবা এন আই আর আই ৯-সেকেন্দ ইন্টারনেসনেল ফিল্ম ফেস্টিভেল ২০২৩ গী মনা য়েন্থোকপদা মণিপুরী ফিল্মগী শক্নাইরবা দিরেক্টর ওসি মৈরাদা এৱার্দ অসি পীরকখিবনি। মনা অসি ফেষ্টিভেল অসিদা অফিসিয়েল সেলেক্সন ফংখিবা মণিপুরী ফিচার ফিল্ম `অশেংবা ইরল'বু দিরেক্সন পিবগীদমক্তা পীরকপনি। এন আই আর আই মীদিয়ানা মার্চ ২৫-২৬ নুমীৎ নীনি পাঙথোকখিবা ফেষ্টিভেল অসিগী দিরেক্টর দা. জুনমোনি দেবী খাউন্দনা ফিল্ম অসিনা ফেষ্টিভেল অসিদা শরুক য়ারকপসিনা ফেষ্টিভেল অসি হেন্না মশক থোকহল্লে হায়না ফোঙদোকখি।

মালেমগী ওইনা কুমজা ২০২২ দা পুথোকখিবা তোঙান-তোঙানবা লোলগী ফিচর ফিল্ম ২৯৬ না ফেষ্টিভেল অসিদা শরুক য়াখি। য়ামখ্রবা ফিল্মশিং অসিদগী শুপ্নতংগী ফিল্ম নিপানখক্তমক খনগৎপদা অশেংবা ইরলসু য়াওরকখিবনি। ফেষ্টিভেল অসিদা ফিল্ম দিরেক্টর ওসি মৈরা শরুক য়াবা ঙমখিদবনা মরম ওইরগা প্রদাক্সন টিমগী মহুৎ শিল্লগা ফিল্ম অসিগী এসিষ্টেন্ট সিনেমাটোগ্রাফার থিংবাইজম ওমেশকুমারনা ওসি মৈরাগী মহুৎ শিল্লগা লেমজনিংঙাই ওইরবা ইন্টারনেসনেল এৱার্দ অসি লৌখি।

নীঙশিংবা য়াবদি ফেষ্টিভেল অসিগী সোর্ট ফিল্ম কেটাগোরিদা মণিপুরী সোর্ট ফিল্ম ঈৱাইসু শরুক য়াখি। খ্বাইরাকপম বিশ্বামিত্রনা দিরেক্টসন পীবা ফিল্ম অসিদা শক্তম লাংখিবি লৈশাংথেম তোন্থোইঙানবীনা সোর্ট ফিল্ম কেটাগোরিদা বেষ্ট এক্ট্রেসকী মনা ফংলকখি। নোংদোল মমিকোল ফিল্মসনা পুথোকপা ফিল্ম অসি মালেমগী মমিং লৈরবা ফিল্ম ফেষ্টিভেলশিংদা শরুক য়ারিবা ফিল্ম অমনি। ফিল্ম অসিদা তোন্থোই হান্ননসু বেষ্ট এক্ট্রেসকী মনা অনীরক ফংখ্রে। ফিল্ম ফেষ্টিভেল অসিদা শক্নাইরবী ফিল্ম পার্সোনেলিটি সীমা বিশ্বাস অমসুং শক্নাইরবা মিউজিক কম্পোজার এন্দ সিঙ্গার জুবেন গর্গনা শরুক য়াদুনা হেন্না মশক থোকপা ফোষ্টিভেল অমা ওইহনখি। ফেষ্টিভেল অদুদা মালেমগী লৈবাক কয়াদগী লাকপা শক্নাইরবা, শক্নাইরবী মীওই কয়াসু শরুক য়াখি হায়রি।

সোর্স: হুইয়েন লানপাউ   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: