ৱার্ল্ড বুক ফিয়ারদা মণিপুরদগী লাইরিক অনি খনগৎলকখ্রে
ইম্ফাল, মার্চ ১ : মিনিষ্ট্রি ওফ এদুকেসন গবর্ণমেন্ট ওফ ইন্দিয়াগী মখাদা লৈবা নেসনেল বুক ট্রাষ্ট নিউ দিল্লীনা শীন্দুনা ৱার্ল্ড বুক ফিয়ার নিউ দিল্লীদা পাঙথোকখিবা থৌরমদা মণিপুরদগী প্রদিয়াম মোইরাংথেমনা ইবা ‘লোয়াঙম্বা’ হায়না মীংথোনবা অমদি চনম থাবম রোনিকানা ইবা ‘ওদি তু দা মাদার’ হায়না মীংথোনবা লাইরিক অসিসু লোঞ্চ তৌবদা য়াওরকখ্রে হায়না অইবা অইবীনা ফোঙদোকখ্রে।
মণিপুর প্রেস ক্লাবতা পাউমীশিংগা উনবদা অইবা প্রদিয়াম মোইরাংথেমনা হায়, ওল ইন্দিয়া কন্টেষ্ট ওফ পিএময়ুব মোন্টেষ্টিং স্কিমগী মখাদা মিনিষ্ট্রি ওফ এদুকেসন গবর্ণমেন্ট ওফ ইন্দিয়াগী মখাদা নেসনেল বুক ট্রাষ্ট নিউ দিল্লীনা শীন্দুনা ২৫ টু ২৭ ফেব্রুয়ারি ২০২৩ দা নিউ দিল্লীদা ৱার্ল্ড বুক ফিয়ার পাঙথোকখি। বুক ফিয়ার অসিদা মণিপুরদগী প্রদিয়ম মোইরাংথেমনা ইবা লোয়াঙম্বা (ৱারেং) হায়না মীংথোনবা পেট্রিওটিক্তা য়ূম্ফম ওইবা জাপান লানগী মতাংদা লাইরিক অসি খল্লক্তুনা নুমিৎ অসিদা লোঞ্জ তৌবদা য়াওরকখিবনি।
অমনা চনমথাবম রোনিকানা ইবা ওদি তু দা মাদার (ৱারেং) হায়না মীংথোনবা নুপীলান্দা য়ুম্ফম ওইবা লাইরিক অসিসু লোঞ্চ তৌবদা য়াওরকখি। মণিপুরগী ওইনা হায়রিবা লোয়াঙম্বা হায়না মীংথোনবা অদুগা ওদি টু দা মাদার হায়না মীংথোনবা মীতৈ ময়েক্কী লাইরিক লোয়ননা ইবসি দিসেম্বর ২৫, ২০২১ দা খল্লে হায়বগী পাউ পীরখিবনি। ওল ইন্দিয়াগী কন্টেষ্ট লিশিং ১৬ হেনবদা মীওই ৭৫ কী ওইনা খনগৎলক্তুনা লাইরিকশিং অসি লোঞ্চ তৌখিবনি হায়খি।
খনগৎলকখ্রবা লাইরিক অনি অসিগী অইবা অইবীদা শিন লাংলিবশিংনা থা ৬ কী ওইনা লুপা লাক্ষ ৩/৩ গী শেলগী মনা ওইনা স্কোলারশিপ ওইনা পীবদা য়াওরি। লাইরিক অসিগী মতাংদা প্রদিয়ম মোইরাংথেমগীদমক মণিপুর য়ুনিভার্সিটি ডাক্তর ৱাহেংবম কুমারি চনু অমদি চনমথাবম রোনিকাগীদমক অচিংলিউ কামৈনা মেন্টর ওইনা গাইড তৌখিবনি হায়না ফোঙদোকখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু