আসামদা মীরাইবিদুনা থম্বীরবা ইমালোল কন্ননগীদমক খুঙ্গং খুঙ্গংদা মীকপ থোক্লসি খোঙচৎ
আগরতলা, মার্চ ৫ : আসামদা মণিপুরী লোলবু এসোসিয়েট ওফিসিয়েল লেঙ্গুয়েজ ওইহনবগী দাবীদা মীকপ থোক্লসি হায়বা খোল্লাউ কাছাড়গী মণিপুরী খুঙ্গংশিংদা য়ৌহনবগা লোয়ননা খোঙচৎ অমা হৌরগনি। মণিপুরী য়ুথস ফ্রন্ট আসাম (মাইফা) গী সেন্ট্রাল কমিটি মীফমদা ৱারেপ অসি লৌদুনা মৈতৈ অমসুং মৈতৈ পাঙলনা তাবা খুঙ্গং খুঙ্গংশিংদা ইমালোলগী পাউজেল য়ৌহন্নবা খোঙচৎ অসি লাাক্লিবা মার্চ তাং ১২দগী কাছাড় চন্দ্রপুরনা লৈবা মণিপুর লেভী শেমখিবা মফমদগী হেকৎ-লৈকৎ তম্লবা মতুং খোঙশানবা হৌগনি হায়রি।
খোঙচৎসি এপ্রিল থাগী মনুঙদা কাছাড় ডিষ্ট্রিক্ট শীনবা থুংনা লোইশিন্নবা হোৎনগনি হায়না প্রেস কনফারেন্স অমদা মাইফাগী প্রেসিডেন্ট থাংজম ব্রজেননা হায়খ্রে। মহাক্না হায়খি খোঙচৎসি মাইফাগী চীফ এডভাইজর সেরাম হেরাজিৎনা লুচিংগনি লোয়ননা মাইফাগী থৌপুবশিংসু শরুক য়াগনি।
খোঙচৎসিদা মাইফাগী খোল্লাও অদুদি ১) মণিপুরীবু এসোসিয়েট লেঙ্গুয়েজ ওইহনবা ২) ঐখোয় য়েলহৌমীনি অদুনা ফংফম থোকপা গণতন্ত্র অধিাকরগীদমক খোঙচৎ অসিবু ময়াম্না শৌগৎপীয়ু। চীফ এডভাইজর সেরাম হেরাজিৎনা আসাম সরকারনা ঐখোয়গী ইমালোলবু মীরাইবিদুনা থম্বীরে হায়খি। অদুনা ঐখোয়না-ঐখোয়গী ইমালোন কন্ননবাগীদমক চত্থগদবা খোঙচৎ অসিনা খুল খরদা লাকপা মতমদা মপুং ফানা খুঞ্জাশিং ময়াম্না শৌগৎপীয়ু হায়না আপীলসু থমখি।
সোর্স : মরূপ
0 কমেন্ট:
কমেন্ট তৌবিয়ু