৪৮ শুবা খা মণিপুর দ্রামা ফেস্তিবেল-২০২৫
ইম্ফাল, ওক্তোবর ১১: ফেস্তিবেল অসিগী মরিনি চনবা তাং ১১।১০।২৫, থাংজ নুমিৎকী ওইনা প্লে অনী খুদোল তমখ্রে। অহানবা শো দা এম ৱাই সি ওগী 'অহীং নঙ লোইখিনু' হায়রিবা প্লে অসি উৎলবা মতু্ং অনীশুবা শোদনা ইস্তর্ন মণিপুর আর্তিস্ত এসোসিএসন (ইমা), চরাংপাৎকী 'ৱাতর' হায়রিবা প্লে অসি মীয়ামদা উৎখি।
অহানবা সোদা উৎখিবা এমৱাইসি ওগী 'অহীং নঙ লোইখিনু' হায়রিবা প্লে রঞ্জিৎ নিংথৌজানা ইবা প্লেনি। প্লে অসিগী লমজিং লমতাক্লিবনা খোইবম হোমেশ্বরী দেবীনি।
'অহীং নঙ লোইখিনু' প্লে গী মীকুপ অমা
লানগী চৈথেঙ অমদি মসিনা কনাগুম্বা ইমুং অমদা পীরকপা থম্মোয় কায়রবা ৱারী পরীংদা শাগৎলকখিবা 'অহীং নঙ লোইখিনু' হায়রিবা প্লেসিদা নুপাগী কাঙলুপ্তা ওন স্তেজদা থোরকখিবশিংদি মথং শীৎনা য়াইফবগী শক্তমদা শগোলশেম শ্যামচান্দ, পুলিস ওফিসার অমগী শক্তমদা অঙৌ ফুল্লৌ অমদি আর্মি অমগী শক্তমদনা চীংথাম ওজিৎনি। অদুগা নুপীশিংগী শক্তম লাংখিবীশিংনা অইংবীগী শক্তমদা চবুংবম ঙান্থোই, থরোগী শক্তমদা খোইরোম সঙ্গীতা, সনারৈগী শক্তমদা কে এস ঐচ সুম্মা, মণিতোম্বীগী শক্তমদা সোইবম রোসনি অমসুং সেক্রেতরি ইবেচাগী শক্তমদা রানিবালানি। প্লেসিদা মতেঙ পাংলিবশিংনা মথং শীৎনা রোবিচন্দ্র (ম্যুজিক), সোইবম সোরিনা (মেক-অপ অমদি কোস্তৌম) অমদি লাইশ্রম ব্রোজেন (লাইত) নি।
অনীশুবা সো ওইনা মীয়ামদা খৃদোল তমখিবা ইস্তর্ন মণিপুর আর্তিস্ত এসোসিএসন (ইমা), চরাংপাৎকী ' ৱাতর' হায়রিবা প্লেসিদা শক্তম লাং খিবশিংনা সোমনাথকী শক্তমদা তি ঐচ সরতকুমার, নরায়নগী শক্তমদা এস উমাকান্ত, গুলাবীগী শক্তমদা এন নাওবী, সকুন্তলাগী শক্তমদা কে সনিতা, কল্যানিগী শক্তমদা তি ঐচ রামিয়া, মধুমতিগী শক্তমদা এন সুরবালা, ভাগ্যগী শক্তমদা দরিয়ু সঙ্গীতা, কুন্তিগী শক্তমদা ও বিদ্যারানি অমসুং চুইয়াগী শক্তমদা বেবি সুপ্রিয়া সাপমনি।
' ৱাতর'প্লে গী মীকুপ অমা
প্লেসিগী বেক স্তেজদা লৈখিবশিংনা ম্যুজিক্তা মুতুম জিবন, মেক-অপ্তা ওইনাম বুং, পোপ্সতা কাংঙবম সভানন্দ, লাইত্তা কে বিনোদকুমার, স্তেজদা এস মেঘচন্দ্র অমদি তি ইমো, প্লে অসিবু মণিপুরীদা ত্রান্সলেত তৌরিবনা সলাম তোম্বা, প্রদক্সন মেনেজর অমদি এসিস্তেন্ত দিরেত্তরদা তি ঐচ উমাকান্ত মঙাং, স্ক্রিপ্ত বাপসি শিব্বাস অমসুং প্লেসিবু লমজিং লমতাক্লিবনা কাংঙবম বোরমনি সিংহনি। তাং ১২।১০। ২৫, নোংমাইজিং নুমিৎকী অহানবা সোদা সোসাইতি থিএতরগী 'উপু বাক্সি' হায়রিবা প্লে অসি ঊৎকনি। অনীশুবা শোদনা জগোয় নাচোম সঙ্গীৎ কলা একাদমী মহাবিদ্যলয়গী 'লৈচিলগী নাপল' হায়রিবা প্লে অসি উৎকনি।
সোর্স - পোরুফম
0 কমেন্ট:
কমেন্ট তৌবিয়ু