বাংলাদেশকী নীংতম লান্মী ক্ষেত্রীময়ূম ননী গোপাল সিংহ (নীলমনি) লৈখিদ্রে
সিলেট, ১০ অক্টোবর : বাংলাদেশকী সিলেট সিটিগী শাপমলৈকাইদা (বাংলা সাগরদিঘীরপাড় হাইদুনা খংনবা) খুন্দারিবা বাংলাদেশ ৭১ নিংতম লানদা শরুক য়াখিবা ফ্রিদম ফাইটার (মুক্তিযোদ্ধা) বাংলাদেশকি নীংতম লান্মী ক্ষেত্রীময়ূম ননী গোপাল সিংহ (নীলমনি) মশাগী লায়না অমনা মরম ওইদুনা ঙশি নুংথিল ২:৩০ মতমদা অরোইবা য়াহিপ তানখ্রে। মহাক ইং কুমজা ১৯৪৬ গী আগস্ত থাগী তাং ১২ দা পোকখি। মহাক্কী অপোকপগী মীং কুলচন্দ্র সিংহ নিমাই, অমসুং অপোকপিগি মীংনা ইবেমহাল দেবী কৌই।
নীংতম লান্মীবু অরোইবা ইকাইখুম্নবা ওইনা বাংলাদেশকী মরি লৈনবা অথোরিটিগী মায়কৈদগী গার্ড ওর্নার পিখি, থৌরম অদুদা শরুক য়াখি সিলেট জেলা প্রশাসনগী মাইকৈদগী এসিল্যান্ড অমসুং পুলিশ অফিসার য়াওনা মহাক্কী লোয়নরম্বা নীংতম লান্মী মনাফ খান। মথংদা সাগরদিঘীরপাড় (শাপমলৈকাই)দা লৈবা মৈতৈগী শ্মশান ঘাটতা মহাক্কী অরোইবা থৌরম পাঙথোকখী। মহাক্কী লোয়নবী প্রমিলা দেবী অমসুং মচানুপা অনি, মমৌ লোয়ননা মশু অনি থম্লম্মি। মহাক্না লৈখিদ্রবদা মণিপুরী যুব সমিতি, বাংলাদেশ মণিপুরী সাহিত্য সংসদ লোয়ননা লুপ কয়ানা অৱাবা ফোংদোরকখি লোয়ননা লৈখিদ্রবগী থৱাইগী শান্তি নিজখী ।
0 কমেন্ট:
কমেন্ট তৌবিয়ু