হাইলাকান্দি লাইশ্রম খুলদা সাহিত্য কীর্ত্তন
শিলচর, জুলাই ১৪ : সাহিত্যগী লমদা ‘সুব্রাম’ হায়না ময়াম্না শক খংনরবা মোইরেংজম দেবনা মাগী মপোক কুমওনগা মরী লৈননা চহী খুদিং তৌনা হন্দকসু ‘সাহিত্য কীর্ত্তন’ পাঙথোকখ্রে। হাইলাকান্দি লাইশ্রম খুল মশাগী শঙ্গায়দা হন্দক চহী ১২ শুবা ‘সাহিত্য কীর্ত্তন’ চীংলেম্না পাঙথোকখ্রে।
থৌরম অদুদা মণিপুরী সাহিত্য পরিষদ, আসাম প্রেসিডেন্ট ঙাঙোম জয়কুমার, স্পেশাল গেস্ট ওইনা সাহিত্য পরিষদগী এডভাইজর আই বিনোদ, সোর্ট স্টোরি সোসাইটিগী ভিপি খাইদেম কান্তা, সাহিত্য একাডেমি মণিপুরী ল্যাঙ্গুয়েজ বোর্ড মেম্বর ত্রিপুরাদগী খোইস্নাম ওংবী বীরলা, মণিপুরী লিটরেরী এ্যন্ড কলচরেল ফোরাম, ত্রিপুরা সেক্রেটারী খোইস্নাম মংগল গেষ্ট ওইনা শরুক য়াখি।
থৌরম অদু অসেম মনি সিংহনা প্রীসাইড তৌখি। থৌরমগা মরী লৈননা সুব্রামনা ইবা লাইরিক খরা মাইখুম খাংধোকখি। শৈরেং শৈদিন্নবা থৌরমসু পাঙথোকখি। পনবা য়াবদি মনা পীগদবা বাংলাদেশকী অইবা খোইরোম ইন্দ্রজিৎ ভিসা ফংদবনা থৌরমদা শরুক য়াবা ঙমখিদ্রে।
সোর্স : মরূপ
0 কমেন্ট:
কমেন্ট তৌবিয়ু