আপডেট:
image

ইবোয়াইমা লৈখিদবদা মণিপুরী সাহিত্য পরিষদনা অৱাবা ফোঙদোকখ্রে

ইম্ফাল, জুলাই ৭ : মণিপুরী সাহিত্য পরিষদ ইম্ফালগী ইং ২০১১ দা পাঙথোকখিবা ৭৬ শুবা চহীগী মীফমদা সঙ্গীত ভূষণ (মতম ঈশৈ) হায়বা উপধি পীদুনা ইকায়খুম্নখ্রবা লমদম অসিগী শক্নাইরবা সঙ্গীত কলাগী কলাকার ফুরাইলাৎপম ইবোয়াইমা শর্ম্মানা মশাগী অনাবা অমদগী থা অসিগী ৬ তা মশাগী কৈশামথোং ইরোম পুখ্রি মপান্দা লৈবা য়ুমদা লৈখিদবদা মনিপুরী সাহিত্য পরিষদনা অৱাবা ফোঙদোকখ্রে হায়রি।

লৈখিদ্রবা ইবোয়াইমা, অঙাং ওইরিঙৈদগী লৈকায়গী ত্রিনাথ পূজানচিংবদা ঈশৈ শকপা হৌরকখি। মহাক্কী ঈশৈগী অমদি গুরুদি উরিপোক্তা লৈবা ঐচ মোধু শর্ম্মানি। মহাক ওল ইন্দিয়া রেদিও ইম্ফালগী শৈশকপা অমা ওইবতা নত্তনা ঈশৈ ময়েক ইবা অমসুনি। ঙল্লিঙৈ মতমদা গ্রামোফোন রেকোর্ড মঙা পুথোকখ্রে।

মণিপুরদা লৈরিবা সাহিত্য অমসুং কলাগী সংস্থান কয়ানা পাঙথোকপা সেমিনার, সিম্পোজিয়াম কয়াদা ঈশৈগা মরী লৈনবা পেপর কয়া লান্থোকখি। শৈশকপা অসি অপূনবা ঈশৈ লীপূন মরুপকী সেক্রেতরি অমসুং অপূনবা মণিপুর মতম ঈশৈ কাঙলূপকী প্রেসিদেন্ত ওইখি।
মহাক্না মণিপুরী মতম ঈশৈগী কলাগী লমদা তৌরম্লিবা দানবু শকখঙদুনা মণিপুরী সাহিত্য পরিষদ ইম্ফালগী প্রেসিদেন্ত লোংজম জয়চন্দ্র সিংহনা থৌরম মপু ওইদুনা জুলাই ৬ তা পরিষদকী ওদিতোরিয়ামদা মণিপুরী সাহিত্য পরিষদকী মেম্বরশিংনা মীনিত ২ তুমিন্না লেপ্তুনা থম্মোয় শোক্না নুংঙাইতবা ফোঙদোকখি। লৈখিদ্রবগী ইমুং মনুংগী অৱাবদসু শরুক য়াবগা লোয়ননা লৈখিদ্রবগী থৱায়না মতম পূম্নমক্তা লাইরম্লেন্দা ঈংনা চিক্না, শান্তি ওইনা লৈরুনবা ঈশ্বরগী মফমদা থৌনিখি হায়রি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: