image

সূর্জবালা অহুম্লকশুবা ওইনা মায় পাকপা ঙমখ্রে

ইম্ফাল, দিসেম্বর ১৫ : অষ্ট্রেলিয়াগী মেলবোর্নদা লৈবা মালবর্ন হোল টাউনদা ঙসি পাঙথোকখিবা ইন্টারনেসনেল মিদ্দল ইষ্ট ক্রাউন প্রো বোক্সিং চেম্পিয়নশিপতা ইন্দিয়া রিপ্রজেন্ট তৌখিবা মণিপুরগী প্রো বোক্সর শমজেৎশাবম সর্জুবালানা মহাক্কী মায়োক্নরিবা লম্বা থাইলেন্দগী ক্লিনরাত্রিবু মায়থীবা পীদুনা চেম্পিয়নশিপ অসিগী মপু ওইবা ঙমখ্রে। হন্দক্কী অসি থারগা সর্জুবালানা প্রোফেসনেল ইন্টারনেসনেল ফাইটতা শরুক য়াখিবসি অহুম্লক শুরে। ফাইট অহুম্মক মহাক্না মায় পাক্তুনা লাক্লি।

ঙসি নুমিৎয়ুংবা মতুং পুং ১২.৩০ তাবদা ফাই বেথ (কেজি ৫১) কেটগোরিদা ক্লিনারাত্রি অমসুং সুর্জুবালানা খিন্নখিবা বাউট অদুদা সর্জুবালানা মহাক্কী হৈ-শিংবশিং মপূং ফানা উত্থোক্তুনা ক্লিনরাত্রিবু মায়থীবা পীখিবনি।

অমরোমদা, সর্জুবালানা পাউচে অসিদা ফোংদোরকখিবগী মতুংইন্না চেম্পিয়নশিপ অসিদা মহাক্না মায় পাক্লে হায়দুনসু মণিপুরদা হৌজিক থোক্লিবা ঈরাং অসিনা মরম ওইরগা নুংঙাইফম খঙদে। মণিপুরগী শক্তম কায়হন্দনবা হোৎনবদা মরাল লৈজদ্রবা মীওই কয়া লৈখিদ্রে। মহাক্কী ওইনসু মাংজিল থানা মীয়াম্না চঙশিল্লিবা খোঙজংদা শরুক য়াবা ঙমদ্রি। মদুনা মরম ওইরগা হন্দক মহাক্না ফংলিবা টাইটল অসি ইরমদমগীদমক থৱায়না পোন্থা পীখ্রবা লৈখিদ্রবশিংগী মফমদা দেদিকেট তৌজরে হায়না ফোঙদোরকখিবগা লোয়ননা অথুবা মতমদা হৌজিক থোক্রিবা ঈলাং অসিগী চপ চাবা ৱারোইশিংন অমা পুবীরক্নবা  লৈঙাক্না মতম চানা হোৎনবীয়ু হায়নসু সর্জুবালানা মখা তানা ফোঙদোকখি।

পনবা য়াবদি, সর্জুবালা হৌজিক-হৌজিক মণিপুর পুলিস দিপার্টমেন্টতা ইন্সপেক্টর ওইনা লৈরি। মহাক আইবা ৱার্ল্ড সিলবার মেদলিষ্ট অমা ওইবদা নৎতনা আইবা ৱার্ল্ড য়ুথ বোক্সিং চেম্পিয়নশিপকী গোল্ড মেদলিষ্ট অমসুনি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু