শক্নাইরবা হন্দোক্লোই অরিবম কুমার শর্ম্মাদ রাইটার ওফ দা ইয়ার ২০২৩ খুৎশিন্নখ্রে
ইম্ফাল, অক্টোবর ১ : নহারোল সাহিত্য প্রেমি সমিতিনা চহী খুদিংগী পীবা রাইটার ওফ দি এয়ার, লাইফ টাইম এচিবমেন্ট এৱার্দ কুমসি চহীগী ওইনা শক্নাইরবা অইবা অমসুং হন্দোক্লোই অরিবম কুমার শর্ম্মাদা খুৎশিন্নখ্রে। নহারোল সাহিত্য প্রেমি সমিতিনা শিন্দুনা লংথবাল কুঞ্জ ময়াই লৈকাইদা লৈবা ডাক্তর কমল লিটরেরি কমপ্লেক্সতা ঙরাং পাঙথোকখিবা ১২৭ শুবা জননেতা হিজম ইরাবতকী কুমওন থৌরমদা চীফ গেষ্ট ওইখিবা মণিপুরী সাহিত্য পরিষদকী প্রেসিদেন্ট লোংজম জয়চন্দ্রনা মনা অসি লান্থোকখিবনি হায়না নহারোল সাহিত্য প্রেমি সমিতি ইম্ফালগী জেনারেল সেক্রেটারিগী চেরোলনা ফোঙদোরক্লি।
নিংশিংবা য়াই, অরিবম কুমার শর্ম্মা হন্দোক্লোই অমা ওইনা ২০০৩ ইংদা হিন্দিদগী মণিপুরদা হন্দোকপা মাগী লাইরিক নুমিৎকী তরেৎশুবা শগোলদা লেমজনিংঙাই ওইরবা সাহিত্য একাডেমি এৱার্দ ফোর ট্রান্সলেসন পীদুনা ইকায়খুম্নখ্রবনি।
মণিপুর ষ্টেট কলা একাডেমি এৱার্দ (২০১৩), মণিপুরী সাহিত্য পরিষদনা পীবা অশাংবম মিনাকেতন নিংশিং মনা (২০১৭), সাহিত্য থৌপাং লুপনা পীবা নোংথোম্বম কুঞ্জমোহন ট্রান্সলেস এৱার্দ (২০২১) অসিনচিংবসু ফংখ্রে।
মণিপুরী সাহিত্য পরিষদ ইম্ফালদসু ২০২২ দা ‘সাহিত্য ভুষন’ মিংথোল পীদুনা ইকায়খুম্নখ্রবা অইবনি। আকাশবানি ইম্ফালগী লীলা হন্দোক্লোই অমা ওইন রেডিও লীলা ২১ হিন্দিদগী মণিপুরদা অদুগা মণিপুরদগী হিন্দি লীলা ৬ হন্দোক্তুনা শন্দোকখ্রে। ওজা অমা ওইনসু রেদিওগী হিন্দি তম্বা থৌরমদা মতম শাংনা শরুক য়ারম্মী হায়রি।
চীফ গেস্টকী ৱারোল পীরদুনা জয়সঙ্করনা হায়, সমিতিনা অসিগুম্লবা লেমজনিংঙাই ওইরবা মনা অসি শক্নাইরবা অইবা অসিদা পীবা য়াম্নমক মতিক চাই হায়রদুনা অইবা অসিনা ঙল্লিঙৈদগী মণিপুরগী সাহিত্যগীদমক তৌরকখিবা খুদোল কয়াবু শিংথাখি। সমিতিগী প্রেসিদেন্ট নাওরোইবম ইন্দ্রমনিনা থৌরম মপু ওইদুনা পাঙথোকখিবা থৌরম অদুদা ডাক্তর লোইতোংবম চনু মেমিনা হিজম ইরাবতকী শৈরেং অমসুং হৌজিক্কী মতম হায়বা হিরমদা ৱা ঙাঙখি। থৌরম অদুদা সমিতিগী চেফোঙ ৱাখলগী ১৯৮ শুবা মশিংসু ফোঙখি হায়রি।
0 কমেন্ট:
কমেন্ট তৌবিয়ু