লাইরিক অমা ফোঙখ্রে, শৈরেং শৈদিন্নখ্রে
ইম্ফাল, মার্চ ১৯: অশম্বদা রাইটপ্লেত হায়না খঙনবা রাইটার্স প্লেতফোর্ম মণিপুর হায়না মিংথোনবা অইবশিংগী লূপ অমা ঙসি শাফোংখিবগা লোয়ননা অহানবা ওইনা লাইরিক অমা ফোঙখ্রে, শৈরেং শৈদিন্নবা অমসু পাঙথোকখ্রে।
মণিপুর প্রেস ক্লাবতা পাঙথোকখিবা ঙসিগী থৌরম অদুদা হান্নগী মিনিষ্টার এল জয়ন্তকুমার সিংহ, রাইটপ্লেতকী পেত্রোন আর কে নয়নস্না, ই জেদ সি সি কোলকাতাগী মেম্বার থিংবাইজম স্বরনকুমার, মণিপুর লিটরেরি সোসাইটিগী প্রেসিদেন্তসু ওইরিবা রাইটপ্লেতকী এদভাইজর নোংমাইথেম কিরনকুমার সিংহ অমসুং ধনমঞ্জুরী য়ুনিভার্সিতিগী দাঃ সরতচন্দ্র লোংজোম্বনা প্রিসিদিয়াম মেম্বারশিং ওইনা শরুক য়াখি। রাইতপ্লেতকী সেক্রেটারি জেনারেল কে বি ইঙারেম্বনা রাইটার্স প্লেতফোর্ম মণিপুর অসি শেম্বগী মতাঙদা মরিক চুম্বা ৱাফম ফোঙদোকখি।
ঙসিগী থৌরম অদুদা রাইপ্লেতকী লাইফ মেম্বার সোরাম ইবোয়াইমনা ইবা ‘পোক্নফম ঐগী’ হায়না মিং থোনবা লাইরিক অমা ফোংখিবগা লোয়ননা দাঃ সরতচন্দ্র লোংজোম্বনা শৈদিন পুরেল ওইদুনা ‘য়েন্নিংথাগী শৈরোল’ হায়না মিং থোনবা শৈরেং শৈদিন্নবা অমসু পাঙথোকখি।
সোর্স: পোক্নফম
0 কমেন্ট:
কমেন্ট তৌবিয়ু