image

রোবিন ঙাঙোম্ন ইবা “মাই ইনভেন্তেদ লেন্দ” কৌবা শৈরেং অমা ফোঙখ্রে

ইম্ফাল, ফেব্রুয়ারি ১৩ : লৈবাকসিগী শক্নায়রবা ইন্দো-ইংলিশ পোইত অমা ওইরিবা রোবিন ঙাঙোম্না ইংলিশতা ইবা ‘মাই ইনভেন্তেদ লেন্দ’ হায়না মিংথোনবা শৈরেং লাইরিক অমা ঙসি ফোঙখ্রে। সেগা রোদ থৌদা ভাবোক লৈকায়দা লৈবা উকিও বুক স্তোরদা পাঙথোকখিবা শৈরেং লাইরিক ফোঙবগী থৌরম অদুদা শক্নাইরবা কবি য়ূম্লেম্বম ইবোমচা, রাজকুমার ভুননস্না অমুসং তায়েঞ্জম বিজয়কুমারনচিংবা শক্নাইরবা কয়ানা শরুক য়াখি।

শৈরেং লাইরিক অসি নিউ দিল্লীদা লৈবা স্পিকিং টাইগার বুক্স কৌবা পাব্লিকেশন হাউস অমনা পাব্লিশার ওইদুনা পুথোকপনি। ঙসি পাঙথোকখিবা থৌরম অদুদা শৈরেং লাইরিক অসিগী অইবা রোবিন ঙাঙোমগা সাপম স্বিতিগা উনদুনা ৱারী ৱাতায় শানবগী থৌরম অমসু পাঙথোকখি।

রোবিন ঙাঙোমনা হায়, কবিশিংবু অখঙ-অহৈ মরুওইনা ক্রিতিকশিংনা তোঙান-তোঙান্না খায়দোক্তুনা থম্বীবা থেংনৈ। মসিমক্তি তশেংনা য়ানীংদে। হৌজিক মণিপুরগী হৌরক্লিবা কবি নহাশিং অসি তেলেন্টতি অদুক্কী মতীক লৈ অদুবু মখোয়না ইরক্লিবা খূৎই অসি চেকশিনবা অমদি য়াম্না মথৌ তায়। লাইরিক ফোঙবদা হেক্তা পংফোঙদা ফোঙবা অমদি এৱার্দকীদমক খল্লগা ফোঙবা অসি অরানবা ৱাখলনি হায়নসু মহাক্না হায়খি। রোবিন ঙাঙোম্না ঙসি ফোঙখিবা মহাক্কী শৈরেং লাইরিক অদুগী মরুওইবা ৱাফম কয়াসু ময়ামদা মরীকচুম্না তমখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু