অৱাপল্লিদা গম্ভীরসিংহগী মীতম মায়খুম মন্ত্রী ড. আরকে রঞ্জননা হাংদোক্কনি
আগরতলা, মার্চ ৩ : মণিপুরগী পুৱারীগা তৎন থানবা য়াদ্রবা চহী তরেৎ খুন্তাকপদা মণিপুরবু অৱাগী খায়াক্ত গী কনবিখিবা ইনিংথৌ গম্ভীর সিংহ মহরাজাগী মীতম অমা মার্চ ৫ দা মায়খুম হাংদোক্লগনি। ইনিংথৌ গম্ভীর সিংহগী চহী ২৩৫ শুবা মপোক কুমওনগা মরী লৈননা অৱাপল্লি, কাংমরাঙ্গাদা পাঙথোক্কদবা থৌরম অমদা ফিট ১১ ৱাংবা মপুং ফানা ইনিংথৌগী মীতম অসি কেন্দ্রগী মিনিষ্টার অব ষ্টেট ফোর এডুকেশন এন্ড এক্সটার্নেল এফেয়ার্স ড. রাজকুমার রঞ্জননা মায়খুম হাংদোকপীগনি হায়রি।
অৱাপল্লি খুবম নীংশিং লুপকী প্রেসিডেন্ট সাইখোম মনিমোহননা মীফম মপু ওইরগা থৌরম অদুদা লক্ষীপুর এম.এল.এ কৌশিক রায়, এম.ডি.সি চেয়ারপার্সন মুতুম রীনা সিংহ, আসাম টি-কর্পোরেশনগী চেয়ারম্যান রাজদীপ গোৱালা অমসুং ইউ.পি.এফ, নিপকো, ইউ.সি.এম, এ.এম.কে.আই.এল, এ.এম.টি.সি.এ.এল, আমপাল, এ.এম.এম. ৱাই. এফ নচিংবা মীহুৎশিংসু শরুক য়াগনি হায়রি।
থৌরম অদুদা এ.কে.এন.এলগী জেনারেল সেক্রেটারী টিএইচ পেমজিৎনা ওক্না-ৱারোল অদুগা এডভাইজর বীরকুমার য়ুম্নামনা কী-নোট এড্রেস পীগনি। থৌরম অসিগা মরী লৈননা সোভেনির অমসু চীফ গেষ্টনা ফোঙগনি। চীপ গেষ্ট অমসুং অতৈ অতৈনা ৱারোল পীরবা মতুং কোকো এ.কে.এন.এলগী কনভেনর সেরাম হেরাজিৎনা ভোট ওব থ্যাঙ্কস পীগনি। পনবা য়াবদি চৎখিবা জানুয়ারী ৯, গম্ভীরসিংহ মহারাজগী ১৮৯ লৈখিদবা নুমিৎপু চহী তরেৎ খুন্তাকপা হায়না শীংথারদুনা নুমিৎ অদুদা মণিপুরগী সোসেল ওয়েলফেয়ার মন্ত্রী হৈখাম ডিংগোনা ইনিংথৌ অসিগী মীতম খিন্নবা উরেপ উয়ুং তমখিবনি।
সোর্স: মরূপ
0 কমেন্ট:
কমেন্ট তৌবিয়ু