মীতৈ ময়েক তম্বীবা হৌদোকপগী থৌরম পাঙথোকখ্রে
ইম্ফাল, ওক্তোবর ৩০ : ইম্ফাল ওয়েষ্টকী মনুং চনবা ময়াং ইম্ফাল চরোইবুং য়ু এফ ও শঙলেন্দা দিপার্তমেন্ত ওব লেঙগ্বেজ প্লান্নিং এন্দ ইমপ্লিমেন্তেসন গবর্নমেন্ত ওব মণিপুর অমসুং মীতৈ ইরোল ইয়েক লোয়নশিল্লোল অপূনবা লূপ (মীলাল) গা খূৎশম্নরগা শঙলেন অদুদা লৈরিবা লাঞ্জেন্নরকপশিং অমদি য়ু এফ ওগী থৌমীশিংদা লেম্না নুমিৎ ১০ নিগী ওইবা মীতৈ ময়েক তম্বীবগী থৌরম অমা হৌদোকখ্রে হায়না মীলালগী সেক্রেটারি পাব্লিসিতিগী চেরোল অমনা হায়রি।
থৌরম অদুদা মীলালগী ৱার্কিং প্রেসিদেন্ত এসঐচ তোম্বা মঙাং, এদজুকেসন সেক্রেটরি পাওনম থাকাবা মীতৈ অমসুং য়ু এফ ও ময়াং ইম্ফাল চরোইব্রংগী প্রেসিদেন্ত য়াংলেম লোলিন্দ্রোনা ময়াই তাংবলদা লেংশিনখি।
থৌরম অদুদা এস তোম্বা মঙাংনা, লমদম অসিদা লৈরিবা মীফম খুদীঙমক মীতৈ ময়েক হৈননবগী পান্দমদা খোংথাং অসি লৌখৎপনি। শরুক য়ারিবশিংদা মীলালনা লাইরিক কলম পেন্সিল, চেনচিংবা লেম্না ফংহনখি। মখা তানসু মফম খুদীং মীফূম খুদীংমক ময়েক হৈহন্নবা খোঙজং চঙশিনখিগনি হায়বা ৱাফম ফোঙদোকখি হায়রি।
সদর হিলসকী কুকি ফুরুপ অমনা মণিপুর লৈঙাক্না শকখঙদুনা অমদি গেজেট নোটিফিকেসন থোক্তুনা ইং ২০০৬ তগী মণিপুরগী মহৈতম্ফম শঙশিংদা তমখিদুনা হৌজিক এম এগী থাক য়ৌনা তম্নখ্রবা মীতৈ ময়েক অসিবু সদর হিলস এরিয়াদা তমদনবা মীতৈ ময়েক্কী লাইরিক ফাওবা মৈ থারক্লিবা অমসুং মণিপুরী সবজেক্ত অমদি মীতৈ প্রদাক্তশিং সদর হিলস অমসুং অনকপা মফমশিংদা থিংলে হাযনা সোসিয়েল মিদিয়াদা থাদোরক্লিবসি অথুবা মতমদা হন্দোক্কদবনি। মসিনা তুমিন্না লৈজরম্বা মীলালদা কায়হৌরক্লবদি মীলালনসু অফং-অফংবা ৱাইরকপা য়াই।
নখোয়গী পেন্দবা য়ানিংদবা কয়া লৈরবসু লৈঙাক্তা তাইনবীয়ু মদুদি নত্তদুনা মীলালনা চহী কয়া চঙনা ৱানা ফংজরকখিবা মীতৈ মায়োক্তা অতম্ননা শিংনরক্লবদি মদুগী মহৈ অফবা খক ওইরে হায়বসি খঙজিনবীগদবনি। মণিপুর লৈঙাক্নসু নুমিৎ ১০ নিগী মনুঙদা লৈবাক ঈরাং থোক্নবা শীল্লিবা মীওইশিং ফাদুনা আইনগী চপ চাবা চৈরাক পীগদবনি, নত্ত্রবদি লৈঙাক্না মথক্তা মীলালনা অকনবা খোঙজং চঙশিল্লক্কনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু