মণিপুর মপান্দা অহানবা ওইনা রিফোর্মনা ত্রিপুরাদা মীতৈ ময়েক তমহন্নবগী খোঙথাং চত্থখ্রে
আগরতলা, ওক্টোবর ০১ : মপান মণিপুরদা তোঙান তোঙানবা লুপ কয়াগী মতেং লৌরগা রিফোর্ম (রিসার্চ ফোরাম মণিপুর) না থৌশিন্দুনা মীতৈ ময়েক মশক খঙহনবা অমসুং তমহন্নবগী পান্দমদা ত্রিপুরাদা অহানবা ওইনা থৌরম পাঙথোক্কদৌরি। লাক্লিবা অক্টোবর ৪, ৫ নুমিৎ নিনি চুপ্না তোঙান তোঙানবা লুপকা খুৎশম্নরগা অভয়নগর অমসুং নলগড়িয়াদা থৌরম পাঙথোক্কদৌরি।
অভয়নগরদা পুথিবা ওয়েলফেয়ার এন্ড কালচারেল সোসাইটিগী মতেং লৌলগা অক্টোবর ৪দা মীতৈ ময়েক খঙহনবগী থৌরম অদুদা মণিপুরদগী লোংজম অরুন য়াওনা এল খ্রুসচভ মীতৈ অমসুং কে সঞ্জিবসু শরুক য়াগনি হায়রি।
অক্টোবর তাং ৫, নলগড়িয়াদা মণিপুরী লিটরেরী এন্ড কালচারেল ফোরামগী মতেং লৌরগা নুংথিলদা মীতৈ ময়েক মশক খঙহনবা অমদি তমহনবগী থৌরম অসি পাঙথোক্কনি হায়রি। থৌরম অদুদা ময়ামসু মরুক য়াবীয়ু হায়রি।
সোর্স: মরূপ
0 কমেন্ট:
কমেন্ট তৌবিয়ু