আপডেট:
image

মণিপুরী সাহিত্য পরিষদ ত্রিপুরাগী প্রেসিদেন্ত লৈখিদ্রে

ইম্ফাল, ওক্টোবর ২৯ : মণিপুরী সাহিত্য পরিষদ ত্রিপুরাগী প্রেসিদেন্ত কবি নিংথৌখোংজম দিলিপ কুমার সিংহ মশাগী লায়না অমনা মরম ওইদুনা ঙসি অয়ূক পূং ১০.০৫  রোম তাবদা আগরতলা এ জি এম সি এন্দ জি বি পি হোস্পিতালদা লৈখিদ্রে। মশাগী চহী ৭২ শুখ্রে হায়রি।

নিংথৌখোংজম দিলিপ কুমার সিংহগী মণিপুরী সাহিত্যদা শৈরেং লাইরিক ২ য়াওনা পূন্না লাইরিক ১০ ফোঙখ্রে। মহাক্কী নোভেল লাইরিক অমা লাক্লিবা দিসেম্বর থাদা ফোঙনবগী থৌরাং তৌরম্মী। মহাক ত্রিপুরা পাব্লিসার গিল্ডগী এসিস্তেন্ত সেক্রেটারি ওইনা চহী কয়া থৌ পুরম্মী। ইং ২০০৮ দা দলিত সাহিত্য একাদেমি, নিউ দিল্লীনা দাঃ অম্বেদকর নেসনেল এৱার্দ পীদুনা ইকায়খুম্নখ্রবনি। মণিপুরী সাহিত্য পরিষদ ত্রিপুরানা ‘মোইরাংথেম লৈহাও তেম্বী মেমোরিয়েল এৱার্দ’ অমসুং সথৌলূপনা ‘থিয়াম ইবোচৌবী নেসনেল এৱার্দ’ পীদুনা ইকায়খুম্নখ্রবনি।  

মহাক্না লৈখিদবদা মণিপুরী লিতরেরি এন্দ কালচারেল ফোরাম ত্রিপুরা, লময়ানবা, মরূপ পাউচে, পুথিবা ওয়েলফেয়ার এন্দ কালচারেল সোসাইটি, ত্রিপুরানচিংবা ত্রিপুরাগী তোঙান-তোঙানবা লূফ কয়ানা অৱাবা ফোঙদোকখ্রে।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: