মণিপুরী সাহিত্য পরিষদ, আসাম ৬২ শুবা চহীগী মীফমলেনগী থৌরাং
শিলচর, ৭ মার্চ: লাক্লিবা এপ্রিলগী তাং ৪, ৫ অমসুং ৬ নুমিৎ হুম্নি চুপ্না বীনাকান্দি পার্ট-টু দা লৈবা সাউথ বরাক কমপ্লেক্সতা মণিপুরী সাহিত্য পরিষদ, আসামগী ৬২ শুবা মীফমলেন পাঙথোক্কদৌরে। চৎখিবা নোংমাইজিং নুমিৎ রিশেপশন কমিটিগী মীফম অমা চেয়ারম্যান এল রবীন্দ্রনা মীফম মপু ওইদুনা কোঞ্জেং লৈকাইগী মণিপুরী গেষ্ট হাউসতা পাঙথোকখ্রে।
মীফম অদুদা পরিষদকী মীফমলেন অসিগা মরী লৈননা লাইরিক মেলাসু পাঙথোক্নবা হায়না ৱারেপ লৌখ্রে। অইবা অইবীশিং মশা মশাগী ফোঙখ্রবা লাইরিকশিং পুবিরক্নবা হায়জখি।
হন্দক্কী মীফমলেন্দা আসামগী শিক্ষা মন্ত্রী রোনোজ পেগো অমসুং বরাক ভেলী ডেভেলেপমেন্ট মন্ত্রী কৌশিক রায়বু মথংশিৎনা চীফ গেষ্ট অমসুং গেষ্ট অব অনার ওইবিনবা বার্তোন তৌবা হায়না মীফমদা লেপ্নখ্রে। মীফমলেনগী হৌদোকপগী থৌরমদা আসাম য়ুনিভার্সিটি শিলচরগী ভাইস চ্যান্সেলর, মণিপুর রাজ্যসভাগী এমপি লৈশেম্বা সনাজাওবা, অসম সাহিত্য সভা, বোড়ো, কার্বি, হিন্দি, বঙ্গ, ডিমাসা সাহিত্য সভা নচিঙবা মীহুৎশিং অমসুং শিলচরগী এম. পি, এম.এশিং বার্তোন তৌবা হায়নসু লেপ্নখি হায়না পাউ অমদা হায়রি।
সোর্স: মরূপ
0 কমেন্ট:
কমেন্ট তৌবিয়ু