গোপাল শর্ম্মা এৱার্দ রঘুবীরদা পীরগনি
ইম্ফাল, মার্চ ৭ : মার্চ ২১ বু ৱার্ল্ড পোইত্রি দে (মালেমগী শৈরেংগী নুমিৎ) হায়না পাঙথোক্নরিবা অসিগা মরী লৈননা সাহিত্য থৌপাং লূপ (সাথৌলূপ) না চহী খুদিং গী পীবা গোপাল শর্ম্মা এৱার্দ চহী অসিগী ওইনা শক্নাইরবা অইবা রঘুবীর থিয়ামদা পীরগনি হায়রি।
ঙসি ফাওবদা রঘুবীরনা সাহিত্যগীদমক কত্থোক্লিবা পূম্নমকপু শকখঙবা অমসুং ইকায়খুম্নবা উৎপা ওইনা এৱার্দ অসি পীগদবনি। এৱার্দসিদা শেল, সাইতেসন অমদি সাল অমা য়াওরি।
লাক্লিবা মার্চ ২১ গী নুংথিল পূং ১ তাবা মতমদা মণিপুর প্রেস ক্লাবতা পাঙথোক্কদবা থৌরমসিদা অশৈলূপ মণিপুরগী প্রেসিদেন্ত দিলিপ ময়েংবমনা চীফ গেস্ত অমসুং লোক্তাক খোর্জৈ লূপকী প্রেসিদেন্ত, বীরবাবু লাইশ্রমনা প্রেসিদেন্ত ওইগনি।
নুমিৎ অসিদা মরী লৈননা থোকচোম দোল্লরসেননা ইবা ‘উতাংবীগী লমদদমদা’ কৌবা শৈরেংগী লাইরিক অমা ফোঙগনি। লাইরিক অসিগী মরমদা তোংব্রম অমর্জিৎনা ৱা ঙাঙগনি। লোয়ননা মণিপুরগী অইবা ৩০ রোম্না শরুক য়াগদবা শৈরেং শৈদিন্নবগী থৌরম অমসু শক্নাইরবা কবি দোনেশ্বর কোন্সমনা থৌরম মপু ওইদুনা পাঙথোক্করি হায়না শাথৌলূপনা থাদোরকপা চেরোল অসিনা ফোঙদোরক্লি।
সোর্স: পোক্নফম
0 কমেন্ট:
কমেন্ট তৌবিয়ু