মণিপুরী ফিচার ফিল্ম ‘ইশানৌ’ ৱার্ল্ড ক্লাসিক ওইনা রেকগনাইজ তৌরে
ইম্ফাল, মে ৬ : মণিপুরগী শক্নাইরবা ফিল্ম মেক্কর অরিবম শ্যাম শর্ম্মাগী ‘ইশানৌ’ থা অসিগী ১৬ তগী থা অসিগী ২৭ ফাওবা পাঙথোক্কদবা ফেস্তিবেল দি কানস, ফ্রান্সকী কানস ক্লাসিকস সেক্সন্দা ঊৎনবা ওফিসিয়েল ওইনা খল্লক্লে হায়না মণিপুর স্তেত ফিল্ম দিবেলপমেন্ত সোসাইতি (এম এস এফ দি এস) গী চেরোল অমনা হায়রি।
অরিবম শ্যাম শর্ম্মা
মণিপুরী ফিচর ফিল্ম ‘ইশানৌ’ অসি মণিপুরগী মাইবী কালচারবু নৈনরিবা ফিল্ম অমনি। ফিল্ম অসিদা অনৌবম কিরনমালা অমসু কাংজম তোম্বনা শক্তম লাংলি। ফিল্ম অসি ইং ১৯৯০ দা পুথোকপনি অমসুং মিনিট ৯১ রোম শাংই।
মণিপুর স্তেত ফিল্ম দিবেলপমেন্ত সোসাইতি (এম এস এফ দি এস) না ফিল্ম হেরিতেজ ফাউন্দেসন, মুম্বাই অমসুং অরিবম শ্যাম শর্ম্মাগা পূল্লগা ইশানৌগী রেস্তোরেসন প্রোজেক্ত পায়খৎখি। ইশানৌ ফিল্ম অসি এম এস এফ দি এসকী এন এন চান্দ সিনে অর্কাইব এন্দ ম্যুজিয়মনা দিজিতাইজ তৌবা অনীশুবা সেলুলোইদ মণিপুরী ফিচার ফিল্মনি অমসুং অহানবা রেস্তোর তৌবা ফিল্মনি হায়রি।
সোর্সঃ পোক্নফম
0 কমেন্ট:
কমেন্ট তৌবিয়ু