মণিপুরী এসোসিএসন ওব কনাদাগী কনভেন্সন পাঙথোকখ্রে
ইম্ফাল, আগস্ত ১৮ : কানাদাদা লৈবা তোঙান তোঙানবা মণিপুরীশিংনা শরুক য়াদুনা মণিপুরী এসোসিএসন ওব কনাদা (এম এ সি) গী ৭ শুবা বাইনি এল কনভেন্সন থা অসিগী ৩দা কনাদাগী তেরোন্তোদা পাঙথোকখিবগা লোয়ননা এসোসিএসন অসিগী নৌনা থৌ পুগদবশিংসু খল্লে হায়রি।
পারি ইমোম শামু পাঙ্গলবা হায়বা ঈশৈ শক্তুনা হৌদোকখিবা থৌরম অদুদা মণিপুরীশিংনা নাৎকী ওইবা ফিরোল শেত্তুনা শরুক য়াখি। মণিপুরী নুপীশিংনা নীংথিরিবা মৈতৈ জগোয় শাখি।
এম এ সিগী ইং ২০২৫-২০২৭ তার্মগী থৌ পুনবা অনৌবা ওফিস বিয়ারশিংসু খনখি। মণিপুরী কাঙলুপশিংগী মরক্তা নুপীশিংগী লিদরশিপ অদুগী হেন্না শক্তি লৈবা খোঙথাং অমদা পুখৎপগী পান্দমদা নুপী ঙাক্তগী ওফিস বিয়াররশিং খনখি। নৌনা খল্লবা ওফিস বিয়াররশিং অদুদি প্রেসিদেন্ততা রানীবালা ক্ষেত্রিময়ূম, জেনরেল সেক্রেতরি সুজাতা চবুংবম, ত্রেজাররদা সুজাতা নোংমাইথেমনি। অতোপ্পা নুপী মঙাবুদা একজিক্যুতিব মেম্বরশিং ওইনা খনখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু