ইম্ফাল, জুলাই ১৮ : মণিপুরদা শান্তি পুরক্নবা অমসুং অপূনবগী শক্তম কন্নবা হোৎনবদা অমদি এন্টি-সোসিয়েল ইলিমেন্তশিংসু চপ চানা থেংনমিন্ননবা য়ুনাইতেদ মৈতৈ পাঙল কাউন্সিল, মণিপুরনা চপ চাবা থৌদাং লৌরগনি হায়না কাউন্সিল অসিগী স্পোক্সপার্সন রইস আহমদ তম্পাকনা ফোঙদোকখ্রে।

মণিপুরী প্রেস ক্লাবতা ঙসি পাউমীশিংগা উনবা অমদা রইস আহমদনা হায়খি, থোক্লিবা থৌদোক অসিনা তংদু-লৈতাদবা ফীবম অসিদা মৈতৈ পাঙলগী অপূনবা সি এস ওশিংগী ওইবা মীফম অমা মণিপুরগী উলামা বোদি অমা ওইরিবা অঞ্জুমান ইস্লাহ-ই-মুআশরানা অচৌবা থৌদাং লৌদুনা থা অসিগী ৮ অমসুং ১৬ তা লিলোং তুরেল অহনবীদা লৈবা অঞ্জুমানগী ওফিসতা পাঙথোকখি।

মহাক্না হায়, হৌখিবা মে ৩দগী হৌরগা ঙসি ফাওবদা ওইরক্লিবা য়াম্না তমথিবা, ওইহন্নিংদবা মওং অসিদা মৈতৈ পাঙলশিংনা থৌদাং কয়া লৌদুনা লাক্লি। অদুবু মৈতৈ পাঙলশিংগী ওইবা অপূনবা প্লেতফোর্ম অমা মথৌ তারে হায়দুনা মণিপুরদা লৈরিবা পাঙলগী সিএস ও ২২ না পূনশিল্লগা কাউন্সিল অসি শেমখিবনি।

কাউন্সিল অসিনা মৈতৈ পাঙলশিংনা তাবা মফমশিংদা চত্তুনা থোক্লিবা ঈরাং অসিগী মতাঙদা এৱার্নেস পীবগা লোয়ননা প্রোতেস্তসু চত্থগনি হায়না রইস আহমদনা ফোঙদোকখি।

সোর্স: পোক্নফম