image

মণিপুরগী মরমদা নীংথিনা খঙদবা মেডিয়ানা লান্না পাউথোক্কনু: মণিপুরী এসোসিয়েসন ওফ কানাদা

মিরর ডেস্ক, মে ৮ : মণিপুরদা হৌজিক ওইরিবা তংদু-লৈতাদবা ফীভম অসিগী মতাংদা মণিপুরগী মরমদা মমুৎ তানা অমদি নীংথিনা খঙদবা ইন্দিয়াগী অচৌবা মেডিয়া হাউসশিংনা ৱাথোক অসিবু লান্না পাউথোক্নবা হোৎনগনু হায়না কানাদাদা লৈবা মণিপুরীশিংগী অপূনবা লূপ মণিপুরী এসোসিয়েসন ওফ কানাদা (এম এ সি) না ফোঙদোরক্লি।

এম এ সিগী ভাইস প্রেসিদন্টে ডা: রুসিয়াচান্দ হৈখামনা খূৎয়েক পীদুনা থাদোরকপা চেরোল অমনা হায়, মণিপুরদা থোক্লিবা হাৎ-শুনবা অমদি তংদু-লৈতাদবগী ফীভমশিং অসি কানাদাদা লৈরিবা মনিপুরীশিংনা কন্দেম তৌই। অসিগুম্বা থৌদোকশিং অসিবু সোসিয়েল মেডিয়াদা অমদি ইন্দিয়াগী অচৌবা মেডিয়া হাউসশিংদা লান্না উহন্নবগী থৌওং কয়া অমা চত্থরক্লিবা অসিবুসু অৱাংবা থাক্তা কন্দেম তৌই।

মৈতৈশিং অসি য়েলহৌঙৈদগী হৌনা তম্পাক্কী লমশিং অসিদা মীওৎ-মীচান ফবা ফুরুপ অমা ওইনা লৈরক্তুনা অতৈ অতোপ্পা ফুরুপশিং অসিগা নুংশিং চান্ননা লৈমিন্নরকখিবনি। অসিগুম্বা ফীভম অসিদা সেন্টার অমদি ষ্টেট গভর্ণমেন্টনা অকনবা মীৎয়েং চঙদুনা ৱাথোক অসিগী চপ চাবা ৱারোইশিন অমা পুরক্নবা হোৎনগদবনি। লোয়ননা অসিগুম্বা ৱাথোক অসি মতুংদা অমুক হন্না থোরক্তনবা অমদি তুং কোয়বা সোলুসন অমা পুরকপা ঙম্নবা মৈতৈশিং গী এস টি দিমান্দ অথুবদা ফংহল্লু।

ষ্টেট অসিদা য়ূম্লোন্নবা লৈবাক্তগী লোনা য়াদবা মওংদা মীতোপশিং চঙশিল্লকপা খুদক্তা থিংউ। ষ্টেট অসিগী উমংগী শরুকশিং কোকথোক্তুনা পোপ্পী থাবগী থবক চত্থীরবা অসি থিংগদবনি। ৱাথোক অসিনা মরম ওইরগা ময়ুম-মকৈ অমাঙ অতা নংখ্রবশিংগী লৈফম চাফম অমদি সেক্যুরিটি নীংথিনা পীবিগদবনি। মহৌশাগী পুন্সিদা হঞ্জিন্নবা হোৎনগদবনি। লোয়ননা সোসিয়েল মেডিয়া অমদি অচৌবা ইন্দিয়াগী ন্যুজ চেনেলশিংদা ৱাথোক অসিবু লান্না উহন্নবা হোৎনরিবা অসি অথুবদা লোয়শিনগদবনি হায়নসু চেরোল অসিনা মখা তারি।

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু