image

মণিপুরগী অহানবা ওইনা জস্তিস কোতিস্বরবু সুপ্রিম কোর্তকী জজ ওইনা রিকমেন্দ তৌখ্রে

ইম্ফাল, জুলাই ১১ : সুপ্রিম কোর্তকী জজ অনীগী অহাঙবা ফম মেনশিন্নবগীদমক সুপ্রিম কোর্তকী কলেজিয়ামনা মণিপুরদগী হৌজিক জন্মু এন্দ কাশ্মির এন্দ লদাখ হায় কোর্তকী চীফ জস্তিস ওইরিবা এন কোতিস্বর অমসুং মদ্রাস হায় কোর্তগী হৌজিক এক্তিং চীফ জস্তিস ওইরিবা আর মহাদেবনবু এপেক্স কোর্ত অসিগী জজ ওইনা হাপ্নবা রিকমেন্দ তৌখ্রে।

সুপ্রিম কোর্তকী কলেজিয়মগী রিকমেন্দেসন অদুনা হায়, জস্তিস অনুরূদ্ধ বোস অমসুং জস্তিস এ এস বোপান্নানা থবক্তগী পোত্থাখিবগা লোয়ননা জজ অনীগী মফম অসি হাঙদুনা লাকপনি। অহাঙবা জজ অনীগী মফম অসি মেনশিন্নবগীদমক সেনিয়রিতি অমদি তোঙান-তোঙানবা হীরমশিংদা য়েংলগা জজ অনী নৌনা হাপ্নবা রিকমেন্দ তৌরে। হায়রিবা জজ অনী অদুদি জস্তিস নোংমৈকাপম কোতিস্বর সিংহ অমসুং জস্তিস আর মহাদেবননি।

রিকমেন্দেসন অদুনা হায়, জস্তিস নোংমৈকাপম কোতিস্বর সিংহ অসি মণিপুরদগীনি। মহাক অসি ইং ২০১১ গী ওক্টোবর ১৭ তা গৌহাতি হায় কোর্তকী জজ ওইনা হাপখিবনি। মণিপুর হায় কোর্ত শেম্লকপগা লোয়ননা মহাক অসি গৌহাতি হায় কোর্ততগী ত্রান্সফর তৌখিবনি। ইং ২০২৩ গী ফেব্রুয়ারী ১৫ দা মহাকপু জন্মু এন্দ কাশ্মির এন্দ লদাখকী চীফ জস্তিস ওইনা হাপখিবনি। মহাক ইং ২০২৫ গী ফেব্রুয়ারী ২৮দা থবক্তগী পোত্থাগদবনি। জস্তিস কোতিস্বরবু সুপ্রিম কোর্তকী জজ ওইনা হাপ্পা অসিনা অৱাং নোংপোক্কী স্তেতশিংবু মহুৎ শিনগদৌরিবনি। মহাক্না সুপ্রিম কোর্তকী জজ ওইবদা মনিপুরদগী অহানবা সুপ্রিম কোর্তকী জজ ওইগদৌরিবনি।

জস্তিস এন কোতিস্বর সিংহ অসি মহাক্না জন্মু এন্দ কাশ্মির এন্দ লদাখকী চীফ জস্তিস ওইনা মথৌ তৌবদা জুদিসিয়েল কেপাসিতি অমসুং এদমিনিস্ত্রেতিব সার্বিসশিংদা অফবা রেকোর্দ লৈ। মহাক্কী জুদিসিয়েল পারফোর্মেন্স, এদমিনিস্ত্রেসন, ইন্তিগ্রিতি অমদি মেরিত অদুনা মরম ওইরগা সুপ্রিম কোর্তকী জজ ওইনা হাপ্পদা মতীক চাই হায়না কলেজিয়মনা রিকমেন্দ তৌখিবনি।

অমরোমদা, মদ্রাজ হায় কোর্তকী এক্তিং চীফ জস্তিস ওইরিবা জস্তিস আর মহাদেবন অসি হায় কোর্তকী সিনিয়র জজ ওইবদা নত্তনা তামিল নাডুগী বেকৱার্দ কম্যুনিতি অমদগীনি। মহাকপু জজ অমা ওইনা সুপ্রিম কোর্তদা হাপ্পদা সুপ্রিম কোর্তকী বেঞ্চশিংদা কাঙলুপ শুনা য়াওহল্লি হায়বদু ময়েক শেংনা ঊৎপা ঙমগনি হায়রি।

কলেজিয়ামগী রিকমেন্দেসন অদুদা সুপ্রিম কোর্তকী চীফ জস্তিস দি ৱাই চন্দ্রচুর, জস্তিস সঞ্জিব খন্না, জস্তিস বি আর গবাই, জস্তিস সুর‌্যকান্ত অমসুং জস্তিস রিশিকেশ রোয়না সাইন তৌরি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু