বিজয়াদা নেসনেল এম এস এম ই এৱার্দ পীখ্রে
ইম্ফাল, জুন ২৭ : গ্লোবেল কাউন্সিল ফোর দি প্রমোসন ওব ইন্তরনেসনেল ত্রেদনা শীন্দুনা ঙসি বেঙ্গলুরগী রাজ ভবন রোদতা লৈবা দি কেপিতেল হোতেলদা ৱার্ল্ড এম এস এম ই দেগী থৌরম পাঙথোকখিবগা লোয়ননা স্তেত অসিদা লৈবা বি কে চনু ফাউন্দেসনগী ফাউন্দর কাংঙবম বিজয়া চনুদা নেসনেল এম এস এম ই-২০২৪ এৱার্দ খুৎশিন্নখ্রে হায়রি।
ঙসি পাঙথোকখিবা ৱার্ল্ড এম এস এম ই গী থৌরম অদুদা দিপার্তমেন্ত ওব ইন্দস্ত্রিজ এন্দ কম্মর্স, গবর্নমেন্ত ওব কর্নতাকাগী এম এস এম ইগী দিরেক্তর দাঃ বিজয়া মাহন্তেশ বি দনম্মানভর, আই এ এসনা চীফ গেস্ত ওইনা শরুক য়াখি। এম এস এম ই দিবেলপমেন্ত এন্দ ফেসিলিতেসন ওফিস, বেঙ্গলুরগী দিপুতি দিরেক্তর আর গোপিনাথ রাও অমসুং মুগ কন্ত্রোলস (ইন্দিয়া) প্রাইবেত লিমিতেদকী জেনরেল মেনেজর এন্দ দিরেক্তর ভেঙ্কতেশ রামামুর্তিনা গেস্ত ওব ওনরশিং ওইনা শরুক য়াখি।
থৌরম অদুগা মরী লৈননা তোঙান তোঙানবা লমদা এন্তরপ্রেন্যুর ওইরিবা লৈবাক অসিগী খনগৎলবা স্তেত ১২দগী মী ১২ দা এৱার্দশিং অদু খূৎশিন্নখি। অৱাং নোংপোক্কী ওইনা মণিপুরদগী বি কে চনু ফাউন্দেসনগী ফাউন্দর কাংঙবম বিজয়া চনুদা আউতস্তেন্দিং সোসিয়েল এন্তপ্রাইজ এৱার্দ, নেসনেল এম এস এম ই এৱার্দ ২০২৪ অদু দিলোইতি হোমাসু ভেঞ্চর সপোর্তকী হেদ ওব গ্লোপেবল দিপার্তমেন্তকী তাকাহিসা ওহিরানা খূৎশিন্নখি। এৱার্দ অদুদা মেমেন্তো অমসুং সাইতেসন অমা য়াওরি।
সোর্স: পোক্নফম
0 কমেন্ট:
কমেন্ট তৌবিয়ু