আপডেট:
image

বাংলাদেশ মণিপুরী সাহিত্য সংসদকী অনৌবা কমিটি শেমখ্রে 

সিলেট, জানুয়ারি ১৪ : বাংলাদেশ মণিপুরী সাহিত্য সংসদ (বামসাস)কী ৪৭শুবা চহীগী মিফম এ. জি. এম. (এনুয়েল জেনারেল মিটিং) ঙরাং জানুয়ারিগী তাং ১৩, ২০২৩ নুমিৎতা পাঙথোকখ্রে হায়দুনা বামসাসকী মায়কৈদগী চেরোল অমনা খংহনলকখি। 
বাংলাদেশ মণিপুরী সাহিত্য সংসদকী মেম্বার অয়াম্বনা শরুক য়াদুনা চহীগী পিকনিক পাংথোকপগা লোয়ননা চহিগী মীফম অসিসু সিলেট শহরদগী কিলোমিটার ৫৫ থাপ্তক্না লৈবা ট্যুরিষ্ট স্পোট অমসু ওইরিবা জাফলংগী শ্রীপুরদা পাঙথোকখিবনি হায়দুনা খংহনলকখি। বামসাসকী প্রেসিডেন্ট এ কে শেরামনা ময়ায় তাংবল লৌখিবা অমসুং নীহার রঞ্জন শর্মানা কনডাক্ট তৌখিবা মীফমদুদা সংসদকী সেক্রেটারি নামব্রম শংকরনা সেক্রেটারিগী রিপোর্ট থাঙ্গৎখি অমসুং ফাইনান্স সেক্রেটারিনা ফাইনান্স রিপোর্ট পুথোকখি। মদুগী মমাঙদা অফিস সেক্রেটারি বিকাশ মীতৈনা অৱা-ফোঙদোকপগী চেরোল অমসু পাথোকখি। মদুদগী মমাঙগী চহী অনীগী মতমসিদা লৈখিদ্রবা মীওইশিংবু নিংশিংদুনা মিনিট অমা তূমিন্না লেপ্তুনা ইকাইখূম্নবা উৎখি। 
সেক্রেটারিগী রিপোর্ট অমসুং ফাইনান্স রিপোর্টকী মতাংদা এল. প্রশান্ত কুমার সিংহ, শেরাম নিরঞ্জন, সমেন্দ্র সিংহ, য়ুম্নাম নৃপেন্দ্র, সজল সিনহা, কৈনাহান দেবী অমসুং রওশন আরা বাঁশি খূৎহৈবমনা চিংবা বামসাসকী মেম্বারশিংনা নৈনখি। অরোয়বদা মিফম অদুদা তিল্লিবা ময়াম্না অমত্তা ওইনা মীওই ২১ না শাবা বাংলাদেশ মণিপুরী সাহিত্য সংসদকী অনৌবা কমিটি  শেমখি হায়দুনা চেরোল অদুনা ফোংদোরকখি।
প্রেসিডেন্ট- এ কে শেরাম,  ভাইস প্রেসিডেন্ট- এল. প্রশান্ত কুমার সিংহ, য়ুম্নাম নৃপেন্দ্র অমসুং পি মিনতি দেবী, জেনারেল সেক্রেটারি- নামব্রম শংকর, জয়েন্ট সেক্রেটারি- কেএইচ সমেন্দ্র সিংহ, ফাইনান্স সেক্রেটারি- কুঞ্জেশ্বর সিংহ, ওর্গেনাইজিং সেক্রেটারি- সজল সিনহা, অফিস সেক্রেটারি- রওশন আরা বাঁশি খূৎহৈবম, কালচারাল সেক্রেটারি কৈনাহান দেবী, পাবলিসিটি সেক্রেটারি- নীহার রঞ্জন শর্মা, মেম্বার- মনমোহন সিংহ, শেরাম নিরঞ্জন, এন যোগেশ্বর অপু, বিকাশ মীতৈ, মাইস্নাম রাজেশ, এল মিনতি দেবী, এল শংকর সিংহ, রঞ্জনা দেবী, রণজিৎ সিংহ অমসুং বিজয় সিংহ সুজয়।

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু