পি এ দব্লিউনা পীবা লিতরেরি এৱার্দ ফংগদবশিংগী মিং লাউথোক্লে
ইম্ফাল, ফেব্রুৱারী ১৯: পেত্রিওতিক রাইতর্স ফোরম, মণিপুরনা লাক্লিবা ফেব্রুৱারী ২১দগী হৌদুনা মণিপুর প্রেস ক্লবতা পাঙথোক্কদবা মালেমগী ইমালোনগী নুমিৎকী থৌরমদা ফোরম অসিনা চহী খুদিংগী লৈপাক নিংবা মণিপুরী ৱারিমচাশিং গী অইবা অইবীশিংদা পীদুনা লাকপা তোঙান তোঙানবা এৱার্দ ফংলগদবশিংগী মিং লাউথোক্লে হায়রি।
পি এ দব্লিউ এফনা থাদোরকপা চেরোলদা হায়, লমদমসিগী শক্লাইরবা অইবা বিনপনি থোকচোমদা মহাক্কী ৱারীমচা 'অহৌনবা খোঙথাং' হায়বসিগীদমক পচা মীতৈ লিতরেরি এৱার্দ ২০২৬, সরত সলামদা মহাক্কী ৱারিমচা 'লান্দা হিংহৌবগী' হায়বসিগীদমক আর খথিং তাঙ্খুল লিতরেরি এৱার্দ ২০২৬, অমদি অশেম রেজিনাদা মহাক্কী ৱারিমচা 'কথোকপা হৈবী য়াইবীরেনবী' হায়বসিগীদমক দাঃ সরোজ নলিনি অরাম্বম পরত লিতরেরি এৱার্দ ২০২৬ পীদুনা ইকায়খুম্নবা উৎলগনি। মনাশিং অসিদা শেল ওইনা লুপা ৩০০০ / ৩০০০, সাইতেসন, শোল অমদি মমেন্তো অমমম য়াওগনি হায়রি।
লোয়ননা ফোরম অসিনা মশাগী চহী ৩৫গী মখাদা লৈবা শৈরেং লাইরিক অইবা অইবীশিংদা চহী খুদিংগী পীদুনা লাকপা অরাম্বম ইবুঙোহল এন্দ বিনোদকুমার লিতরেরি এৱার্দ ২০২৫না 'উতাংবীগী লমদমদুদা' হায়না মিং থোনবা শৈরেংগী লাইরিক্কী অইবা নান্দৈবম লৈকায়দগী থোকচোম দোল্লরসেনদা পীদুনা ইকায় খুম্নবা উৎলগনি। ফোরম অসিগী লাইফ মেম্বর ওইরিবী অরাম্বম মেমি অমদি দাঃ নমরাম শরত অনীনা ফোরমগী খুত্থাংদা কৎপা এৱার্দ অসিদা শেল ওইনা লুপা লীশীং ৫, শোল, সাইতেসন অমদি মমেন্তো অমা য়াওগনি হায়রি।
সোর্স : পোক্নফম
0 কমেন্ট:
কমেন্ট তৌবিয়ু