ঘনপ্রিয়ানা মেগা নোর্থ ইস্ত মিস ২০২৬ তারে
ইম্ফাল, ফেব্রুৱারী ১৮: থা অসিগী ৮দগী ১৩, ২০২৬ গুৱাহাতিদা চত্থখিবা ২২শুবা এদিসন মেগা মিস নোর্থ ইস্ততা ঘনপ্রিয়া লৈমপোকপমনা সন্সিল্ক মেগা নোর্থ ইস্ত মিস ২০২৬ কী ৱিন্নর অমসুং মেগা মিস মণিপুর ২০২৬ তাইতল লৌরকপদা হাওরৈবী অপূনবা লূপনা তরাম্না ওকখ্রে।
ঘনপ্রিয়া লৈমপোকপম, শিতলজিৎ লৈমপোকপম অমদি লৈমপোকপম প্রেমিলা দেবী, হাওরৈবী অৱাং লৈকায়, ইম্ফাল ৱেস্ত অনীগী মচানুপীনি। মহাক হৌজিক আর আই এম তি য়ুনিবর্সিতি পঞ্জাবতা বি এ এল এল বি ৮শুবা সেমিস্তর তম্লি।
পার্টিসিপেন্ত ৬০না শরুক য়াদুনা অহেন-অথোই তান্নবদা মহাক্লা তাইতল অসি লৌরকখিবনি। রাকেশ নোংমাইথেম, গৌরব সৌগ্রাকপম অমদি দানুবি কাংজম, কবিতা কৈশামগী গাইদেন্স অমদি মতেঙনা এচিবমেন্ত অসি ফংবা ঙম্লকখিবনি মসিগীদমকসু থাগৎপা ফোঙদোরক্লি।
ঘনপ্রিয়ানা সন্সিল্ক মেগা নোর্থ ইস্ত মিস ২০২৬কী ৱিন্নর তাইতল অমদি মেগা মিস মণিপুর ৱিন্নর তাইতল লৌরকপদা হাওরৈবী অপূনবনা নুংঙাইবা ফোঙদোরক্লি। মখা তানা মিস এসিয়া পেসিফিক। মিস কন্তিনেন্তেল অমদি অতোপ্পা অচৌবা ব্যুতি পিজেন্তশিংদা মায় পাকপা ওইনবা অমদি ইরমদমগী মিংচৎ পুরকপা ঙম্বা ওইরসনু হায়রি।
সোর্স : পোক্নফম
0 কমেন্ট:
কমেন্ট তৌবিয়ু