আপডেট:
image

নোর্থ ইস্ট ওলিম্পিক্স ২০২২ দা মণিপুরনা অমুক্কসু ওভারওল টিম চেম্পিয়ন ওইখ্রে

ইম্ফাল, নভেম্বর ১৬ : মেঘালয়গী শিলোংদা নোর্থ ইস্ট রিজনদ লৈরিবা ষ্টেট নিপান্দগী লাকপা শান্নরোয় অমদি ওফিসিয়েল ৩০০০ হেনবনা শরুক য়াদুনা নুমিৎ তরেৎনি চুপ্না চত্থরকপা মশান্না ১৮ গী ওইবা ২ শুবা নোর্থ ইস্ট ওলিম্পিক গেমসতা মণিপুরনা গোল্ড মেদেল ৮৮, সিলভার মেদেল ৭৫, ব্রোঞ্জ মেদেল ৭৭ পূন্না মেদেল ২৪০ লৌদুনা ওভরওল টিম চেম্পিয়নগী ট্রোফি অমুক হন্না লৌবা ঙমখি।

ইং ২০১৮ দা মণিপুরদা অহানাবা ওইনা পাঙথোকখিবা নোর্থ ইস্ট ওলিম্পিক গেমসতা মণিপুরনা মশান্না ১২ দা গোল্ড মেদেল ৭৯, সিলভার মেদেল ৪৭, ব্রোঞ্জ মেদেল ৩১ পুন্না মেদেল ১৫৯ লৌদুনা ওভারওল টিম চেম্পিয়নগী ট্রোফি লৌখ্রবা মতুংদা ২ শুবা ইদিসন অসিদসু অমুক হন্না চেম্পিয়ন ওইবা ঙমখি।

অনিশুবা ইদিসন অসিগী য়ুম্বু ওইরিবা মেঘালয়না অহানাব ইদিসন্দা গোল্ড ৩, সিলভার ৮ অমসুং ব্রোঞ্জ মেদেল ২৯ লৌরগা তরুকশুবা পোজিসনা তাখিবা অদু হন্দক্কী অনীশুবা ইদিসনা অসিদা গোল্ড মেদেল ৩৬, সিলভার মেদেল ৩৫ অদুগা ব্রোঞ্জ মেদেল ৭৮ লৌরগা মরিশুবা পোজিসন্দা হাইগৎপা ঙমখি। মমাঙগী টিম রান্নার্স আপ তাখিবা আসামনা গোল্ড মেদেল ৭৯, সিলভার মেদেল ৬১ অমসুং ব্রোঞ্জ মেদেল ৬৩ লৌরগা পূন্না মেদেল ২০৩ লৌদুনা অমুক হন্না টিম রানার্সআপ তাখি।

নোর্থ ইস্ট ওলিম্পিক গেমস অসিগী আর্চরি মশান্নদা মণিপুরনা গোল্ড মেদেল ৯, সিলভার মেদেল ৯, ব্রোঞ্জ ৬, এথলেটিক্তা গোল্ড ১০, সিলভার ১৪, ব্রোঞ্জ ৯, বেদমিন্তনদা সিলভার ১, ব্রোঞ্জ ৩, বাস্কেটবোলদা ব্রোঞ্জ ১, বোক্সিংদা গোল্ড ৭, সিলভার ৩, ব্রোঞ্জ ৩, সাইক্লিং মশান্নগী নুপীগীদা গোল্ড অদুগা নুপাগীদা ব্রোঞ্জ মেদেল ফংখি। গোল্ফ মশান্নদা গোল্ড ১, ব্রোঞ্জ ২ ফংখি। জুদো মশান্নদা গোল্ড ৭, সিলভার ৪, ব্রোঞ্জ ৫, কারাতিদা গোল্ড ২, সিলভার ৩, ব্রোঞ্জ ৭, শুটিংদা গোল্ড ৪, সিলভার ৮, ব্রোঞ্জ ৫ ফংখি।

গেমস অসিগী সুংমিংদা গোল্ড ৪, সিলভার ৮, ব্রোঞ্জ ৫, সুংমিংদা গোল্ড ২, সিলভার ১০, ব্রোঞ্জ ১১, টেবল টেনিসতা সিলভার ৩, ব্রোঞ্জ ৪, তাইকোন্দদা গোল্ড ১১, সিলভার ৫, ব্রোঞ্জ ৭, টেনিসতা গোল্ড ৭, সিলভার ৩, ব্রোঞ্জ ২, উশুদা গোল্ড ১১, সিলভার ৪, ব্রোঞ্জ ১, ওয়েটলিফটিংদা গোল্ড ৩, সিলভার ৩, ব্রোঞ্জ ৫ অদুগা রেস্টলিংদা গোল্ড ৮, সিলভার ২, ব্রোঞ্জ অনী লৌখি।

নোর্থ ইস্ট রিজনগী হৌগৎলক্লিবা নহাশিংবু মখোয়গী হেন্না প্রোফেসনেলগী থাক্তা পুখৎনবগী পান্দমদা পাঙথোক্লিবা গেমস অসিনা রিজন অসিদগী হেন্না মতীং লৈবা শান্নারোয় কয়া পুথোকপা ঙম্লগনি হায়না পানরি। রেস্টলিং মশান্নগী ওইনা মণিপুরগী নুপা অমসুং নুপীগী টিমনা টিম চেম্পিয়নগী ত্রোফি লৌখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: