আপডেট:
image

কুঞ্জো নাওরেমনা হন্দোকপা লাইরিক ‘খুন্নাইরোলগী মরুওইবশি’ অমসুং ‘তাইবংপানগী থিজিল্লোই’ ফোঙখ্রে

ইম্ফাল, নভেম্বর ১৮ : রমন বিজ্ঞান মন্দির পাব্লিকেসন্সনা শীন্দুনা কুঞ্জো নাওরেমনা মণিপুরীদা হন্দোকপা লাইরিক অনী ‘খুন্নাইরোলগী মরুওইবশিং’ অমসুং ‘তাইবংপানগী থিজিল্লোই’ ঙসি হৌনবী মতুংইন্না ককচিং সুমাক লৈকায় লৈরক অচৌবা পরেংদা হন্দোক্লোই কুঞ্জো নাওরেমগী য়ুমদা পাঙথোকখ্রে।

সাহিত্য একাদেমী এৱার্দী বিরেন্দ্রজিৎ নাওরেম অমদি মচা চনু ককচিংগী প্রেসিডেন্ট ডা. নোইমাইথেম প্রমোদিনিনা মথংশিৎনা অথোইবা মীথুং অমদি থৌরম মপু ওইদুনা পাঙথোকখিবা ঙসিগী লাইরিক ফোঙবগী থৌরম অদুদা মণিপুরগী তোঙান তোঙানবা শক্নাইরবা অইবা-অইবী কয়ানা শরুক য়াখি। হুইয়েন লানপাউ পাউচেগী কলমনিষ্ট কুঞ্জো নাওরেমনা হন্দোক্লোই ওইদুনা ফোঙখিবা লাইরিক অনী অদু শক্নাইরবা অইবা পি গিসবার্টনা ইবা ‘ফন্দামেন্টেল ওফ সোসিওলোজি’ হায়রিবা লাইরিক অসিবু নেসনেল ত্রান্সলেসন মিসন, সেন্ট্রেল ইন্সটিট্যুট ওফ ইন্দিয়ান লেঙ্গুয়েজ (সী আই আই এল) মাইজরগী মখাদা কুঞ্জো নাওরেমদা মণিপুরদা ‘খুন্নাইরোলগী মরুওইবশিং’ হায়না অদুগা শক্নাইরব অইবা ডা. মনি ভৌমিকনা ইবা লাইরিক ‘দা গোস্মিক দিটেক্টিভ’ হায়রিবা লাইরিক অসিবুনা ‘তাইবংপানগী থিজিল্লোই’ হায়না মীংথোন্দুনা আর ভি এম পাব্লিকেশননা পুথোকপা লাইরিকনি।

ঙসি পাঙথোকখিবা লাইরিক ফোঙবগী থৌরম অদুদা অথোইবা মীথুং অমদি থৌরম মপু ওইখিবশিংনা কুঞ্জো নাওরেমনা মণিপুরগী খোরিরোলগী লমদা অচৌবা থৌদাং অমা লৌবা মীশক অমা ওইবা ঙম্লে। মহাক্না ঙসি হৌরক্লিবা তুংগী মহৈরোয়শিংদা য়াম্নমক কান্নরগদবা লাইরিকশিং মণিপুরদা হন্দোকপীদুনা পুথোকপীরকপা অসি য়াম্না পূক্নিং থৌগৎনিংঙাইনি। মখা তারকপদসু হেন্না কান্নরগদবা লাইরিক কয়া অমসু হন্দোক্লোই ওইনা অমসুং মশাগী ওইজবা লাইরিক কয়া পুথোকপা ঙম্বা ওইরসনু হায়নসু ফোঙদোক্লখি।

সোর্স: হুইয়েন লানপাউ     

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: