নেসনেল থাঙ-তা চেম্পিয়নশিপ টামিল নাড়ুদা হৌদোকখ্রে
ইম্ফাল, ফেব্রুয়ারি ১ : থাঙ-তা ফেদারেসন ওফ ইন্দিয়াগী লমজিং মখাদা টামিল নাড়ু থাঙ-তা এসোসিয়েসননা শীন্দুনা ২৮ শুবা সাব-জুনিয়র অমদি সিনিয়র নেসনেল থাঙ-তা চেম্পিয়নশিপ ২০২২-২৩ ঙসি কন্যাকুমারীগী সী এস আই হোলদা হৌদোকখ্রে।
হৌদোকপগী থৌরমদা ৱার্ল্ড মার্সিয়েল আর্টস য়ুনিয়নগী ভাইস প্রেসিদেন্ট মোহন পিটারনা অথোইবা মীথুংলেন, ৱার্ল্ড থাঙ-তা ফেদারেসনগী প্রেসিদেন্ট হুইদ্রোম প্রেমকুমারনা থৌরম মপু অদুগা থাঙ-তা ফেদারেসন ওফ ইন্দিয়াগী প্রেসিদেন্ট চুংখাম লোইদাংলৈমা অমদি টামিল নাড়ু থাঙ-তা এসোসিয়েসনগী প্রেসিদেন্ট চুংখাম লোইদাংলৈমা অমদি টামিল নাড়ু থাঙ-তা এসোসিয়েসনগী প্রেসিদেন্ট পি সিলভা রাজ আসাননা অখন্নবা মীথুংলেনশিং ওইনা শরুক য়াখি।
চেম্পিয়নশিপ অসিদা ষ্টেটকী নুপা অমদি নুপী থাঙ-তা শান্নরোয় ৬৭ অমদি অফিসেল ৬না শরুক য়ারি। অফিসেলশিং অদুদি নোংথোম্বম নোরেন মৈতৈ (টিম মেনেজার), লাইথাংবম চন্দ্রমণি (এসিষ্টেন্ট টিম মেনেজার), নাওরেম দেবাজিৎ (টিম কোচ), লাইশ্রম রাহুলকুমার (এসিষ্টেন্ট টিম কোচ), কোঞ্জেংবম থোইবী (উইমেন টিম কোচ) অমদি ওক্রম বোবী (এসিষ্টেন্ট উইমেন টিম কোচ) নি।
নুপা শান্নরোয়শিং অদুদি সাব-জুনিয়র কাঙলূপ্তা রেন্দি দব্লিয়ু, এন বিরনাথ মৈতৈ, সী ঐচ পোইরৈতোন, সী ঐচ গিনিস, জোন্সন ঐচ, এন য়ুরেজিস, কারিস সী ঐচ, কে য়াইফবা, ঐচ রিদেশ, প্রেমজিৎ এল, এন মংলেম্বা, রিওনেল ঐচ, ঐচ রোনাল্ডো, এল অলেক্স, ঐচ রোজর, এল চিঙ্খৈঙানবা লুৱাং, টি ঐচ মঙাল, এ ভুপেনরাজ, ঐচ প্রিয়োব্রত লুৱাং অমদি ঐচ কৃষ্ণনন্দ; সিনিয়র কাঙলূপ্তা এম ত্রিনাব্রত, এল নিলচন্দ্র, এন বিশ্বর্জিৎ, এস সামন, এম অর্বিন্দ, কে চেতনজিৎ, আনন্দ এন. টিঐচ মালেমঙানবা, কে মাইকেল, জেক্সন পি, ৱাই জেটলি, এস রোশলেন, পারি থোকচোম, কে এস ঐচ লান মঙাং, টি ঐচমোচা, এল লেনিন অমদি ৱাই খাগেম্বনি।
নুপী শান্নরোয়শিং অদুনা সাব জুনিয়র কাঙলূপ্তা ঐচ য়াইফবী, পিঐচ নেভিতা, এম চঞ্জবী চনু, এল কল্পনা, এন কোরৌঙানবী, এল দাইনা, এ মিল্কি, এল গাইত্রি, এল সনাথোই, টি ঐচ ইথোইবী, এল ভেলেন্টিনা, ঐচ আইশ্বরিয়া, এল জিনা, কে সুনিতি, এন পুস্পা, কে লাক্কি, টি ঐচ লেম্বীসনা, এম থাজলেম্বী, এল এলিসিয়া, এস রোনিকা, এল লিংজেলথোইবী; সিনিয়র কাঙলুপ্তা এন জিবনলতা, ও তোম্বীসনা, কে প্রিয়াঙ্কা, এল সেলি, এন তোম্বী, কে সন্ধ্যাপতি, এস সনাতোম্বী অমদি ঐচ সিলভিয়ানি।
নীংশিংবা য়াবদি, ষ্টেট থাঙ-তা টিম অসি জানুয়ারি ২৫দা ময়াং ইম্ফালগী এম এল এ কোংখাম রোবিন্দ্রনা লমথাদুনা টামিল নাড়ুগীদমক মণিপুর থাদোকখিবনি।
সোর্স: হুইয়েন লানপাউ।
0 কমেন্ট:
কমেন্ট তৌবিয়ু