ত্রান্সলেটরশিংসি অকুৎপদতা লেপকল্লি: লনচেনবা মীতৈ
ইম্ফাল, জুন ৩০ : লোল অমদগী লোল অমদা হন্দোকপা ত্রান্সলেসন তৌবা হায়বসি অরাইবা থবক নত্তে। মদুগী মথক্তা ত্রান্সলেটরশিংসি অকুৎপদতা লেপকল্লি। করিগুম্বা লাইরিক অমা ফজনা হন্দোক্তুনা ফোঙলবসু মদু ওরিজিনেল রাইটর অদুদা ক্রেদিট পীনৈ।
অমরোমদা খজিক্তং ফজদ্রগনা হন্দোক্লোই অদুনা হৈবা ৱাৎপদগীনি হায়না হেক হেক হায়নৈ হায়না সগোলশেম লনচেনবা মীতেনা ফোঙদোকখ্রে।
ৱাফম অসি ঙসি মণিপুর প্রেস ক্লবকী থাংজিং হোলদা রাজকুমার মুবিনা মমিং লৈরবা হিন্দীগী দ্রামা ‘জিস লাহোর নাই দেখ্যা ও জন্মায়ই নাই’ বু মণিপুরী লোলদা ‘লাহোর উদ্রবা মখোয়দি মীওইপোক নৎত্রবগুম্বনি’ হায়না হন্দোকপা লাইরিক অমা ফোঙবগী থৌরমদা অথোইবা মীথুংগী ৱারোল পীবদা ফোঙদোকখিবনি।
থৌরম অদুদা মণিপুরী লিটরেরি সোসাইটি ইম্ফালগী প্রেসিদেন্ট নোংমাইথেম কিরনকুমারনা থৌরম মপু, দি এম য়ুনিভার্সিটিগী স্কুল ওফ হ্যুমেনিটিজগী দিন প্রোফেসর শগোলশেম লনচেনবা মীতৈনা অথোইবা মীথুং অমদি হিন্দী ওফিসর ডা. বিনতা অকোইজমনা ফোঙলিবা লাইরিক অদুগী মরমদা ৱা ঙাংখি।
লাইরিক অসিগী মতাংদা ডা. বিনিতানা ফোঙদোকখিবদা, দ্রামা অসি ইন্দিয়া অমসুং পাকিস্তান অনী থোক্না খায়দোকখ্রবা মতুংদা লাহোরদা লৈরম্বা হিন্দু নুপী অমগী ময়ূমদা মুসলমানগী ইমুং অমনা লাক্তুনা লৈশিল্লবা মতমদা থোকখিবা মুক্নবা অমদা য়ূম্ফম ওইবনি। মসিদা য়ূম অমগা য়ুম্বুগগী লৈনরিবা নুংগী ওইবা মরী অদু ফোঙদোক্লি। ৱারী অসি হৌজিক থোক্লিবা মণিপুরগী ঈরাংসিগা য়াম্না চান্ননা থোক্লি হায়না ফোঙদোকখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু