image

ডা: মাইবম ইতিন্দা ভারতিয়া সেবা রত্না এৱার্দ ২০২২ পীদুনা ইকায়খুম্নখ্রে 


থৌবাল, আগস্ট ২৮ : গ্লোবেল স্কোলার ফাউন্দেসন পুনে, ইন্দিয়ানা ঙসি তোঙান তোঙানবা হিরমশিংদা কত্থোকপগা লোয়ননা থবক তৌরিবা লৈবাকসিগী শক্নাইরবা মীওই কয়াদা লেমজনিংঙাই ওইরবা এৱার্দশিং পীদুনা ইকায়খুম্নবা উৎপদা মণিপুরদগী সোসিয়েল এক্তিভিষ্ট ডা: মাইবম ইতিন মৈতৈদা ভারতিয়া সেবা রত্না এৱার্দ ২০২২ পীদুনা ইকায়খুম্নখ্রে। 
লেমজনিংঙাই ওইরবা এৱার্দ অদু পদ্মশ্রী এৱার্দি গদ্দাম পদ্মাজা রেদ্দি অমদি সুনিল বেলগেব, প্রেসিদেন্ট গ্লোবেল স্কোলর ফাউন্দেসন পুনেনা খুৎশিন্নখি। ডা: মাইবম ইতিন মৈতৈ থৌবাল ক্ষেত্রি লৈকাইদগী লৈখিদ্রবা মাইবম কুলা মৈতৈ অমদি মাইবম ইবেম্মু লৈমগী মচানুপানি। মহাক হনবা লৈতনা মীওইবা খুনাইগীদমক কত্থোকপগা লোয়ননা মীয়ামগী থৌগল্লোই অমনি। 
মণিপুর আর্ট এন্দ কালচার, গেমস এন্দ স্পোর্টস, লিটরেচর অমদি তোল্ল তারবা কয়াগীদমক হনবা লৈতনা হোৎনরিবা থৌদাং কয়াবু শকখঙবীরক্তুনা চীং লেম্লবা এৱার্দ অসি পীদুনা ইকায়খুম্নরকপনি। ডা: মাইবম ইতিন মৈতৈ মমাঙদা ইন্সপিয়ারিং কোফি টেবল বুক ২০২২, ডা: অম্বেদকর দিষ্টিঙ্গুইজ সার্বিস নেসনেল এৱার্দ ২০২১ অমদি হিউমেনিটি এচিবর এৱার্দ ২০২১ নচিংবা লেমজনিংঙাই ওইরবা এৱার্দ কয়া ফংখ্রবা মীশক্নি। 
মহাক হৌজিক হৌজিক হিউমেনিটরিয়ান সার্বিস গ্রুপ অমা ওইরিবা লাইক মাইন্দেদ গ্রুপ, মণিপুরগী অচংবা থৌমী অমা ওইবতা নত্তনা ইপাক ফিল্ম পদ্রাক্সন মণিপুরগী পেট্রোন মেম্বার অমসুনি। মহাক মণিপুরগী সোসিয়েল এন্দ কালচারেল ওর্গানাইজেসন কয়াগসু খুৎশম্নদুনা থবক তৌরিবা মীশক্নি। 
সোর্স: সঙাই এক্সপ্রেস

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু