image

উইকিপেদিয়াদা রুদালি হুইদোমগী মমিং য়াওরে

ইম্ফাল, আগস্ট  ২৭ : মৈতৈলোল/মণিপুরী লোলবু ইংলিশ য়াওনা মালেমগী ওইনা ঙাঙনরিবা লোলশিংদা হন্দোকপা য়ানবগীদমক্তা মথৌ তাবা রিসোর্ছশিং শাগত্তুনা ডাটাবেজ অমা শেমখিবী রুদালি হুইদ্রোমগী মমিং মাল্টিলিঙ্গুয়েল ফ্রী ওনলাইন এনসাইক্লোপেদিয়া ওইনা খঙনরিবা অচৌবা ওনলাইনগী প্লেটফোর্ম উইকিপেদিয়াদা য়াওখ্রে।

লোল কয়াগী ফ্রী ওনলাইন এনসাইক্লোপেদিয়ানি হায়না খঙনরিবা উইকিপেদিয়া অসি উইকিপেদিয়ান্স হায়না খঙনবা মী কাঙলূফ অমনা ওপেন ওইবা কোলাবোরেসন অমসুং উইকি-বেজ এদিটিং সিষ্টেমদা ইবা অমসুং মেন্টেইন তৌবগী থবক অসি তৌরি। সাইট অসিদা রেজিষ্টার তৌরবা মী অমনা আর্টিকল হাপ্পা নৎত্রগা পাব্লিকেসন তৌবা য়াই।

সাইট অসি হৌজিক মীয়াম্না রিফরেন্সকীদমক্তা খ্বাইদগী পানবা সাইট অমসু ওইরি। ইং ২০০১ গী জানুয়ারীদা লোঞ্চ তৌখিবা ওনলাইনা ফ্রী এনসাইক্লোপেদিয়া অসিদা হৌজিক এক্টিব এদিতর ২৭৯,৭৭১ অদুগা রেজিষ্টার য়ুজারনা ১০৩,৪৭৬,৫৯৯ লৈরি। মসি তোঙান তোঙানবা লোল ৩২৯ দা ফংহল্লি।

উইকিপেদিয়াদা রুদালি হুইদোমগী মরমদা মহাক্না তৌখিবা রিসার্ছকী মতাঙদা ইরগা য়াওরি। রুদালি হুইদোমনা ই বি এম তি এন এল পি লেবোরেতরি, ৱাসেদা য়ুনিভার্সিটি, জাপানদা লৈরিঙৈ ইং ২০২১ দা ই এম কোর্পস নৎত্রগা ইমালোল মণিপুরী কোর্পস হায়বা তেক্স কোর্পস অমা শেমখি। মসিনা লোল অসিগী অহানবা তেক্সতগী তেক্সতা মৈতৈলোলদগী ইংলিশতা হন্দোকপা য়াবা কোর্পস বিল্ট ওইরি।

বেঙ্গলি স্ক্রিপ্তা ইবা লোলগী ৱাহৈ পরেংশিং অসি ইম্ফালদা ফোঙবা পাউ-চে অমগী ওনলাইনা এদিসনদগী ইং ২০২০ দগী চহী অমা চূপ্না মহাক্না খোমজিনবনি। মহাক্না অহানবা ভার্জন্দা মৈতৈলোল সেন্টেন্স ১,০৩৪,৭১৫ অমসুং ইংলিশ লেংঙ্গুয়েজগী ৱাহৈ পরেং ৮,৪৬,৭৯৬ মোনোলিঙ্গুয়েল ডাটা ওইনা শেমখি। অদুগা ভার্জন-২ দা মৈতৈলোলগী সেন্টেন্স ১,৮৮,০৩৫ অদুগা ইংলিশকী ৱাহৈ পরেং ১৪,৫০,০৫৩ গী মাল্টিলিঙ্গুয়েল ডাটা শেমখি।

মৈতৈলোলগী ই এম-আলবার্ট অসি মৈতৈলোলগী অহানবা আলবার্ট মোদেল ওইরি। অদুগা ই এম এফ তি অসিসু মৈতৈলোলগী ফাস্ত টেক্স ৱার্দ এম্বেদিং ওইরি। হায়রিবা রিসোর্ছশিং অসি রুদালি হুইদ্রেমান শেমখিবনি। হায়রিবা রিসোর্ছ অসি য়ুরোপিয়ান লেঙ্গুয়েজ রিসোর্ছ এসোসিয়েসন কেটালোগতগী সি সি-বি ৱাই-এন সি ৪.০ গী লাইসেন্স মখাদা লেম্না ফংহল্লি হায়নসু মহাক্কী মতাঙদা ইরিবা উইকিপেদিয়াদা য়াওরি।

পনবা য়াই, হৌখিবা মে ১১দা মৈতৈ লেঙ্গুয়েজ নৎত্রগা মৈতৈলোল (মণিপুরী) হায়না ঐখোয়গী লোল অসিসু গুগলগী ট্রান্সলেসন টুলদা নৌনা লোল ২৪ হাপচিনবদা য়াওখ্রবনি। রুদালি হুইদ্রোম প্রোফেসার ইভস লুপাজকী সুপারভিজন মখাদা ৱাসোদ য়ুনিভার্সিটি, জাপানগী ই বি এম টি-এন এল পি (নেচরেল লেঙ্গুয়েজ প্রোসেসিং) লেবোরেটরিদা ‘মেছিন ট্রান্সলেসন ফোর এ লেস রিসোর্ছ লেঙ্গুয়েজঃ মণিপুরী (মৈতৈলোন)’ হায়বা থেসিস অসিদা থবক তৌরগা লাকখিবনি।

হৌজিক রুদালি হুইদ্রোম আইয়ারলেন্দগী দব্লিনদা লৈবা দি সি য়ু (দব্লিন সিটি য়ুনিভার্সিটি) গী অদাপ্ত সেন্টারদা ‘সিমেন্তিক এন্দ স্তাইলিস্তিক কন্ত্রোলেবিলিতি ইন নেচারেল লেঙ্গুয়েজ জেনেরেসন’ হায়রিবা অসিদা পি ঐচ দিগী মহৈরোয় ওইনা লৈরি।

সোর্স: পোক্নফম   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু