জেলা শিল্পকলা একাডেমী সম্মাননা’২১ খনগৎপদা কবি এ কে শেরামসু য়াওরক্লে
সিলেট, সেপ্টেম্বর ০৪ :: বাংলাদেশকী শক্নাইরবা অইবা, কবি এ কে শেরাম হন্দক চহী অসিদা পিগদৌরিবা জেলা শিল্পকলা একাডেমী সম্মাননা’২১ সৃজনশীল সংস্কৃতি গবেষক ক্যাটাগরিদা পিরগনি হায়না জেলা শিল্পকলা একাডেমীগী ওফিসেয়েল চেরোল অমদা ফোংদোরক্লি। এ কে শেরাম কবি, অইবা, রিচার্সার, হন্দোলোয়, শৈরেংবা, ৱাঙাংলোয়, খোমজিন্বা, লূপ শৌগৎলোয়, অরিবা থিজিন্বা অমদি লোন অমসুং সাহিত্যকার অমনি। বাংলাদেশতা চোইজাইননা তারিবা ইন্ডিজিনাস কাংলুপকীশিংগী লোন অমসুং সাহিত্য চাওখৎ থৌদাং লৌখৎলিবা মীশক অমসুনি। মহাক বাংলা অমদি মণিপুরী লোনদা ইবদা খুৎলোয়রবা অমনি। বাংলাদেশতা মণিপুরী সাহিত্যগী খুমাং চাওনা থৌদাং লৌরক্লিবা অমদি বাংলাদেশ মণিপুরী সাহিত্য সংসদ লিঙ্খৎপদা অচৌবা থৌদাং লৌরক্লিবা অমসুং ফাউন্ডারনি। শিনফম ওইনা মহাক সোনালী ব্যাংক লিমিটেড ডেপুটি জেনারেল ম্যানেজারদগী থবক্তগী পোত্থাখি। বাংলাদেশ মণিপুরী সাহিত্য সংসদ, মণিপুরী ভাষা গবেষণা উন্নয়ন সংস্থা, বাংলাদেশ প্রগতি লেখক সংঘ, সিলেট, জাতীয় কবিতা পরিষদ, সিলেটকী প্রেসিডেন্ট অমদি আন্তজার্তিক আদিবাসী ভাষা দশক উদযাপন কমিটিগী কনভেনর ওইনা থৌ পুরি। লোয়ননা প্রথম দিনের র্সূয, উদিচী শিল্পীগোষ্ঠীসু প্রেসিডেন্ট ওইরম্মি। অতৈ অতৈ লূপ কয়াগীসু থৌ পুদুনা অচৌবা থৌদাং লৌরম্মি। মহাক কলকাতা, মণিপুর, আসাম, ত্রিপুরা, মেঘালয় অমদি বাংলাদেশকী মফম কয়াদগী লুপ কয়াতংনা ইকায়খুম্নবা উৎখ্রে। অইবা অসিগী বাংলা অমদি মণিপুরী ৩৬ হেন্না লাইরিক ফোংখ্রে অমদি ম্যাগাজিন কয়াগীসু চীফ ইডিটর ওইনা থৌ পাংথৌকপিরম্মি। সাহিত্যদা ইন্টারন্যশনাল এওয়ার্ড অমদি ইকায়খুম্নবা ফংখ্রবা মীশক অমনি।
0 কমেন্ট:
কমেন্ট তৌবিয়ু