আপডেট:
image

খুন্নাই অদুগী সাহিত্য পারগা খুন্নাইগী অফ-ফত্ত খঙবা ঙমগনি

ইম্ফাল, জানুযারি ০৮ : লৈবাক অমগী নৎত্রগা খুন্নাই অমগী অফ-ফত্ত য়েংগে হায়রবদি খুন্নাই অদুগী নৎত্রগা লৈবাক অদুগী সাহিত্য পারগা খঙবা ঙমগনি। খুন্নাই অসিদা খোর্জৈ পায়দুনা ইরিবশিংগী থৌদাং য়াম্না চাউই হায়না থাঙ্গ এ সীগী এম এল এ তোংব্রম রোবিন্দ্রোনা ফোঙদোকখ্রে।

ৱাফম অসি লোক্তাক খোর্জৈ লূপ মণিপুরগী ৭শুবা চহীগী কুমওন ওল্ড এসেমব্লী রোদতা লৈবা মণিপুর লেজিসলেটিভ এসেমব্লী ম্যুজিয়ম এন্দ অর্কাইবস ওদিটোরিয়ামদা পাঙথোকখিবা থৌরম অমদা ফোঙদোকখিবনি। থৌরম অদু পেনা শৈহৌ ঈশৈ শক্তুনা হৌদোকখিবগা লোয়ননা লোক্তাক খোর্জৈ লূপ মণিপুরগী লৈখিদ্রবা পেত্রোন মেম্বারশিংদা লৈ-শু কৎতুনা ঈকায় খুম্নবা উৎখি। লোয়ননা লূপ অসিগী চহীগী ফোঙবা লোক্তাকখোলগী তরেৎশুবা চেফোঙ থৌরম অদুদা শরুক য়াখিবা অথোইবা মীথুংনা লুচিংদুনা ফোঙখি।

থৌরম অদুগী শরুক অমা ওইনা অনীশুবা নিঙোম্বম প্রেমকুমর অমদি মেমচা নীংশিং মোইরাংসাই মনা ২০২৩ সু লান্থোকখি। চহী অসিগী ওইনা মনা অসি মোইরাংসাই শৈশকপু য়োকখৎনবা হোৎনবদা চহী কয়াদগী কত্থোকপা অমগা লোয়ননা থৌদাং লৌদুনা লাকখিবী ফাইরেম্বম নুংশিদা পীখি। মনা অসিদা লুপা লিশিং ১০, সাইটেসন অমা অমদি লেংয়ান ফি য়াওরি।

থৌরম অদুদা এম এল এ তোংব্রম রোবিন্দ্রোনা মখা তানা ফোঙদোকখিবদা, খুন্নাই অমবু অচুম্বা মায়ওনদা পুনবা হোৎনবদা অচৌবা থৌদাং লৌরিবা খোর্জৈ লূপকী থৌরম অসিদা য়াওবা ফংজবা অসি নুংঙাইবা ফাওই। লোয়ননা অসিগুম্বা থৌরমশিং অসি পাঙথোক্তুনা অইবশিংবু পূক্নিং থৌগৎতুনা অৱাংবা থাক্তা থম্বীবা অসিসু থাগৎলি হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু