এসিয়া ট্রাইথলোন কাপ খুন্দ্রাকপম ঙানবনা গোল্ড লৌখ্রে
ইম্ফাল, এপ্রিল ৪ : নেপালাগী পোখারাদা থা অসিগী ১দা পাঙথোকখিবা এসিয়া ট্রাইথলোন কাপ অমদি সাউথ এসিয়ান চেম্পিয়নশিপতা ইন্দিয়া রিপ্রেজেন্ট তৌদুনা শরুক য়াখিবা ষ্টেটকী এথলিট খুন্দ্রাকপম ঙানবা মৈতৈনা ইন্টারনেসেনেল জুনিয়র ইভেন্টতা গোল্ড মেদেল ফংবা ঙমখ্রে।
খুন্দ্রাকপম ঙানবা মৈতৈ ইম্ফাল ইষ্টকী কোংবা বাজার লাইখুরাম লৈরক্তগী লৈখিদ্রবা খুন্দ্রাকপম তোম্বা মৈতৈ অমদি খুন্দ্রাকপম ওংবী সুর্বালা লৈমা অনীগী মচানুপানি। মহাক্না গোল্ড মেদেলে ফংবা ঙম্বা অসিনা ইন্দিয়াগী অহানবা মিনি এথলিট ওইরি। মহাক্না ৭৫০ স্বিমদা মিনিট ১০গা সেকেন্দ ২৬তা লমথুংফম য়ৌখি অদুগা কিলোমিটার ২০গী বাইকতা মিনিট ৩১ গা সেকেন্দ ২দা লমথুংফম য়ৌদুনা গোল্ড মেদেল ফংবা ঙমখিবনি।
পনবা য়াবদি, ঙানবনা চহী অসিগী ফেব্রুয়ারিদা মহাক্কী অপোকপা মপা লৈখিদ্রবা মতুং কন্না হোৎনদুনা লাকখিবনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু