ইবুংঙোহল এন্দ বিনোদকুমারি লিতরেরি এৱার্দ লান্থোকখ্রে
ইম্ফাল, ফেব্রুয়ারি ২৫ : পেত্রিওত্রিক রাইটার্স ফোরাম মণিপুরনা চহী খুদীংগী পীদুনা লাকপা অরাম্বম ইবুংঙোহল এন্দ বিনোদকুমারি লিতরেরি এৱার্দ-২০২২ গী ওইনা কোংবা উচেক্কোনদগী ৱাংলেম্বম নিরঞ্জন্নাদা পীদুনা ইকায় খুম্নবা উৎখ্রে।
পেত্রিওত্রিক রাইটার্স ফোরাম মণিপুরনা শীন্দুনা ঙসি মণিপুর প্রেস ক্লাবতা পাঙথোকখিবা এৱার্দ য়েন্থোকপগী থৌরম অদুদা আর্ট এন্দ কালচারগী দিরেক্তর লৌরেম্বম কিশ্বোরজিৎনা চীফ গেস্ত, পেত্রিওত্রিক রাইটার্স ফোরাম মণিপুরগী প্রেসিদেন্ত এন খম্বা লুৱাংনা প্রেসিদেন্ত, অৱাং সেকমাই সেদ্যুল কাস্ত দিবলপমেন্ত কমিটিগী সেক্রেটারী কে ঐচ ঈশ্বরচন্দ্র অমসুং ই সি জে সি সি কোলকতাগী মেম্বার টিঐচ শ্বরণকুমারনা গেস্ত ওব ওনার ওইনা শরুক য়াখি।
ৱাংলেম্বম নিরঞ্জন্না
থৌরম অদুদা চীফ গেস্তকী ৱারোল পীরদুনা লৌরেম্বম কিশ্বোরজিৎনা হায়, এৱার্দ অসি ফংলিবী ৱাংলেম্বম নিরঞ্জন্না অসি য়াম্না নহা ওইবী অইবী অমনি। অঙাং ওইরিঙৈদগী শৈরেং গী লম অসিদা খুৎ থাবা হৌরকখি। অসুম্না মহাক্না অঙাং ওইরিঙৈদগী হৌনা শৈরৈং ইবা অমদি পাবা কয়া তৌরকখিবা অসিনা ঙসি এৱার্দ অসি ফংবা ঙম্বনি হায়খি।
মহাক্না মখা তানা, এৱার্দ অসি ফংলবী নিরঞ্জন্নাদগী তুংদসু হেন্না অফবা শৈরেং অমদি ৱারী মচাগী লাইরিক কয়া ফোঙলকখিগনি হায়বা থাজবা চাওনা লৈ। মণিপুরদা কোভিদ-১৯ পেন্দামিকনা মরম ওইরগা ইবগী ইনোৎ অসি খরা হন্থরকপগুম তৌই। অদুবু পেন্দামিক মনুঙদা ফাইন আর্ততা ৱার্ক তৌরিবা মণিপুরগী আর্তিস্তশিংদি একজিবিসন তৌবা উখি। আর্তিস্তশিংনা য়ূমদা লৈনা-লৈনা মখোয়না থেংনরিবা প্রোব্লেম, মখোয়গী পুক্নীংদা ফাওরিবশিং অদু একজিবিসন্দা উখ্রে। মণিপুরদা অনৌবা নহা ওইবা অইবশিং হেন্না থোরক্তুনা লমদম অসি লিটরেচারগী লম অসিদা হেন্না চাওখৎল্লকখিগনি হায়নসুমহাক্না মখা তানা ফোঙদোকখি।
ঙসিগী এৱার্দ লান্থোকপগা মরী লৈননা তোইজম ভোগেন্না ইবা ‘সুপার ফাইনা’ হায়না মিংথোনবা শৈরেং লাইরিক অমসু চীফ গেস্ত, প্রেসিদেন্ত অমসুং গেস্ত অব ওনারনা ফোঙখি।
ঙসি লান্থোকখিবা অরাম্বম ইবুংঙোহল এন্দ বিনোদকুমারী লিতরেরী এৱার্দ-২০২২ অদুদা শেল ওইনা লুপা লিশীং ৫, সাইটেসন অমদি সোল য়াওখি।
সোর্স: পোক্নফম
0 কমেন্ট:
কমেন্ট তৌবিয়ু