• 45
• ২০শে সেপ্টেম্বর ২০২৪ ইং
• Share on:

আন্দামান্দা লোই থাখিবা অথৌবশিংগী মফমদা লাংবন থাগী হৈকৎ-লৈকৎ তমখ্রে

আগরতলা, সেপ্টেম্বর ২১: লাংবন থানা লাকপদা ইং ১৮৯১ দা অদুঙৈ মমা লৈবাক অমদি মজাতিগীদমক নীংতম লান্দা লানফা ওইনা আন্দামানদা লোই থাখিবা মণিপুরগী অথৌবা ২৩ শিংবু নীংশিংবগী শরুক অমা ওইনা হৈকৎ লৈকৎ তমখ্রে। আন্দামনাগী মাউন্ট মণিপুরদা অথৌবশিংনা লৈরম্বা মফম অদুদা চহী অসিগী লাংবন থাগী হৈসোই অমদি হৈকৎ-লৈকৎ তম্বগা লোয়ননা মহারাজ কুলচন্দ্রগী নীংশিং খুভম অমা থম্নবা ঙরাং পাঙথোকখিবা থৌরম অমদা উরেপ উয়ুং তমখ্রে হায়রি।
থৌরম অদুদা আন্দামান পোর্ট ব্লেয়ারগী প্রোটোকোল ইনচার্জ অমদি প্রোটোকল এস. ইনচার্জ, ভারতীয় দলিত সাহিত্য একাডেমি, নিউ দিল্লীগী নেশনেল সেক্রেটারী, এনথ্রো পোলোজিকেল সার্ভে অব ইন্ডিয়া, রিজনেল সেন্টর, পোর্ট ব্লেয়ার নচিংবা মীওই কয়া শরুক য়াখি হায়রি।