আগরতলাদা মৈতৈ ময়েক খঙহন্নবগী থৌরম পাঙথোকখ্রে
ইম্ফাল, অক্টোবর ০৫: রিছার্স ফোরাম মণিপুর (রিফোর্ম) না মণিপুরী লিটরেরি এন্দ কালচারেল ফোরাম ত্রিপুরাগা পুন্না খুৎশম্নদুনা ঙসি আগরতলাগী তরৌ মৈতৈ লৈকায়দা মৈতৈ ময়েক খঙহন্নবগী থৌরম অমা পাঙথোকখ্রে।
থৌরম অদুদা রিছার্স ফোরাম মণিপুর (রিফোর্ম) গী এদিটর লোংজম সোমোরেন্দ্রে অরুন, ফোরামগী সেক্রেটারি খোইস্নাম মঙ্গোল, মরুপকী জোইন্ট এদিটর আর কে তরুণজিৎ, রিফোর্মগী মেম্বর এ সঞ্জিৎ অমসুং এল খ্রুশচোভনা অখন্নবা মীথুংশিং ওইনা শরুক য়াখি।
আগরতলাগী তরৌ মৈতৈ লৈকায়দা পাঙথোকখিবা মৈতৈ ময়েক খঙহন্নবগী থৌরম অদুদা মৈতৈ ময়েক মপী লাইরিক য়েন্থোক্তুনা মীয়ামদা মৈতৈ ময়েক অসি খঙহন্নবগীদমক হোৎনখিবগা লোয়ননা থৌরমদুদা শরুক য়াখিবা ৱাঙাংলোয়শিংনা মৈতৈ ময়েক্কী মতাংদা মরুওইবা ৱাফমশিং ফোঙদোক্নখি।
অমরোমদা, রিছার্স ফোরাম মণিপুর (রিফোর্ম) না পুথিবা ওয়েলফেয়ার এন্দ কালচারেল সোসাইটিগা পুন্না শীন্দুনা আগরতলা অভয়নগরদা পুথিবা শঙলেনদা অক্টোবর চৈচৎ ৪দসু মৈতৈ ময়েক খঙহন্নবগী থৌরম অমসু পাঙথোকখিবগা লোয়ননা মৈতৈ ময়েক মপী লাইরিকসু য়েন্থোকখি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু