অৱাং জিলাগী জলাবাসাদা সংস্কৃতিসেবী অহৈবম দলকিশোর মমিংদা কাং টুর্নামেন্ট
আগরতলা, আগস্ত ২৫ : অৱাং জিলাগী মশক নাইরবা লৈখিদ্রবা সংস্কৃতি সেবী অমদি অইবা অহৈবম দলকিশোরগী মমিংদা অহানবা ওইনা ‘দলকিশোর সিংহ মেমোরিয়েল কাং টুর্নামেন্ট’ পাঙথোকখ্রে। নুমিৎ মরিনি চুপ্না সোসিও-ইকোনোমিক ওয়েলফেয়ার সোসাইটিনা শীন্দুনা জলাবাসাদা কাং টুর্নামেন্ট অসি হন্দক্তা পাঙথোকখি।
সোসাইটিগী ফাউন্ডার প্রেসিডেন্ট অহৈবম দলকিশোরগী মমিংদা কাং টুর্নামেন্টতা অৱাং জিলা মনুং চনবা জলাবাসাতা নত্তনা কাঞ্চনবাড়ী অমসুং গোবিন্দপুর নচিংবা খুঙ্গাংদগী মৈতৈ কাংখূৎশিং শরুক য়াখি। পান্থোইবী অমসুং লাইরেম্বী কাংখূৎ অনীনা ফাইনেল কাখি।
আগস্ট ১৮, ফাইনেলদা পান্থোইবী কাংখূৎনা পাঞ্জল অহুমদা ঙমদুনা চ্যাম্পিয়ন ওইখি। লাইরেম্বীনা রানার্স। নুমিৎ মরিনি চুপ্না পাঙথোকখিবা কাং টুর্নামেন্ট অসিগী থৌরমদা ৱার্ড মেম্বর অহৈবম নিশা সিংহ, ৱার্ড মেম্বর মনোজ দাস তালুকদার নচিংবা লোয়ননা জলাবাসা অমসুং অতৈ মফমদগী খুঞ্জাশিং শরুক য়াখি হায়রি।
সোর্স: মরূপ
0 কমেন্ট:
কমেন্ট তৌবিয়ু