image

‘ঐগী ৱারী’ হায়না মিংথোনবা লাইরিক ফোঙখ্রে

ইম্ফাল, দিসেম্বর ২১ : শ্যামসুন্দরনা মশামক্কী পুন্সিদা য়ূম্ফম ওইরগা ইবা ‘ঐগী ৱারী’ হায়না মিংথোনবা লাইরিক অমা ঙসি ফোঙখ্রে। কলচরেল ফোরাম মণিপুরনা শীন্দুনা নিত্যাইপাৎ চুথেক্তা লৈবা দি আই পি আরগী ওদিতোরিয়মদা পাঙথোকখিবা লাইরিক ফোঙবগী থৌরম অদুদা মণিপুরী সাহিত্য পরিষদ, ইম্ফালগী প্রেসিদেন্ত লোংজম জয়চন্দ্রনা অথোইবা লেঙবিরকপা, কলচরেল ফোরাম মণিপুরগী প্রেসিদেন্ত প্রোঃ কোইজম শান্তিবালা দেবীনা থৌরম মপু অমসুং মণিপুর য়ুনিভর্সিতিগী রিতায়র্দ প্রোফেসার হুইরেম বিহারীনা অখনন্বা লেঙবিরকপা ওইনা শরুক য়াখি।

লাইরিক অসিগী অইবা হৈক্রজম শ্যামসুন্দরনা হায়, মহাক্না পোকপদগী য়ূম পানবা ফাওবগী ৱারী অসি ঙসি অহানবা শরুক ওইনা মপূং ফানা লোইশিনবা ঙম্বসিদা অদুক্কী মতীক নুংঙাইবা ফাওবদা নৎতনা মহাক্না নিংজরকপা পুন্সিগী শরুক অমা পাঙথোকচবা ঙম্লে খনবদসু হরাওই।

মহাক্কী পুন্সিদা থেংনরকখিবা নিংঙমদবগী থৌদোক কয়ানা ৱারী অসি ইবদা মঙোন্দা অচৌবা ইথিল অমা পীখি। মহাক্কী পুন্সি লম্বীদা থোকখিবা থৌদোক কয়া অদু ফোঙদোক্তবা য়াদে নৎত্রবদি নিংঙম্লোই খন্দুনা লাইরিকসি ইবা হৌখিবনি। চাউরাক্না ঙসিদগী চহী ১০ মুক্কী মমাঙদগী মহাক্কী ৱারী অসি শাগৎলক্তুনা ইরকপনি।

ঙসি ময়ামগী মতেঙগা লোয়ননা লাইরিকসিগী অহানবা শরুক পুথোকপা ঙম্বসিনা মহাক্না মতম কুইনা হোৎনজরকপা অদু মায় পাক্লে খল্লি। লোয়ননা লাইরিকসিগী অনীশুবা শরুকসু তপ্না-তপ্না লোইশিল্লক্লগনি হায়নসু মহাক্না ফোঙদোকখি।

হৈক্রুজম শ্যামসুন্দরনা ইবা মশামক্কী পুন্সিদা য়ূম্ফম ওইবা ‘ঐগী ৱারী’ হায়না মিংথোনবা লাইরিক অসিগী মতাঙদা মণিপুর য়ুনিভার্সিতিগী এসোসিএত প্রোফেসর দাঃ ৱাহেংবম কুমারী চনুনা ৱা ঙাঙখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু