ৱার্ল্ড মৈতৈ কাউন্সীলনা শীন্দুনা জেনারেল কনফারেন্স পাঙথোকখ্রে
ইম্ফাল, ফেব্রুয়ারি ১৭ : আসামগী কাছাড় বিনাকান্দিগী সাউথ বরাক হোলদা ঙসি ৱার্ল্ড মৈতৈ কাউন্সীলনা শীন্দুনা জেনারেল কনফারেন্স অমা পাঙথোকখ্রে। ঙসিগী মীফম অদুদা ৱার্ল্ড মৈতৈ কাউন্সীল (দব্লিউ এম সী) গী সেন্ত্রেল ইগজিক্যুটিভ কম্মিটি, সী ঈ সীগী চ্যেরমেন হৈক্রুজম নবশ্যামনা থৌরম মপু ওইখি।
থৌরম অদুদা সী ই সীগী ভাইস প্রেসিদেন্ত ডা. কে এন চান্দ, দব্লিয়ু এম সীগী ভাইস প্রেসিদেন্ট য়েংখোম ধোন , দব্লিয়ু এম সী মণিপুর য়ুনিটকী প্রেসিদন্টে য়ু কুঞ্জো অমদি দব্লিয়ু এম সী আসাম য়ুনিটকী প্রেসিদেন্ট নবকেশ্বর য়ূম্নামনা মীথুংলেনশিং ওইনা ডায়েজদা ফমখি।
ঙসিগী মীফমদুগা মরী লৈননা দব্লিয়ু এম সী, সী ঈ সীগী চ্যেরপার্সন হৈক্রজম নবশ্যামনা পাউমীশিংদা ফোঙদোকখিবদা, মণিপুরদা থেংনরিবা কাং-খোং চাইবগী মওংসিদা ঐখোয়না খ্বাইদগী পূক্নিং চিংশিনগদবদি চীফ মিনিষ্টার এন বিরেনগী পূক্নিং চিংশিনবনি।
মদুদি মণিপুরদা থোক্লিবা ঈরাংসি থা ১০ শুজিল্লক্লবা ফাওবদা ইন্দিয়াগী সিক্যুরিটি ফোর্স লিশিং ৬০/৭০ সিনা কুকি চিন ইম্মিগ্রেন্টশিংবু লাকশিনবা অমদি মণিপুরগী য়েলহৌমী মীতৈশিংবু নীংথিনা ঙাক-শেনবা ঙমদ্রিবা করিগীনো হায়বসিনি। ওইরক্লিবা ফীভমসিদা ঐখোয়গী য়েলহৌমীশিংবু ঙাক্লৌ ওইনবগীদমক্তা মীতৈবু এস টি লিষ্টতা হাপ্পীয়ু হায়না তকশিনগদবনি হায়খি।
সোর্স: হুইয়েন লানপাউ।
0 কমেন্ট:
কমেন্ট তৌবিয়ু