ৱাংথোই খুমনদা যুব পুরস্কার পীরগনি
ইম্ফাল, এপ্রিল ২ : কোলকাতাদা লৈবা ভারতিয় ভাষা পরিষদনা ইন্দিয়াগী লৈরিবা লোল ময়ামদগী শুপ্নগী মরিখক খনগৎলগা নহা ওইরিবা অইবশিংদা পীবা যুব পুরস্কার পীনবগী মমিং লাউথোকপদা মণিপুরীগী ওইনা ৱাংথোই খুমন য়াওরক্লে।
অতোপ্পা লোলগী অইবশিংদি মলয়ালমগী ওইনা এন এস সুমেশ কৃষ্ণন, রাজস্থানগী ওইনা ওম নগর অমসুং হিন্দীগী ওইনা শেখর মাল্লিকনি। মনা অসি থা অসিগী ৮ গী নুংথিল পূং ৪ তাবা মতমদা পরিষদ সভাঘরদা য়েন্থোক্কনি। মনা অসিদা সাইতেসন অমা অমসুং শেল ওইনা লুপা ৪১,০০০ য়াওরি।
লেমজনিংঙাই ওইরবা মনা অসিবু ফংগদৌরিবা ৱাংথোই খুমন, বিষ্ণপুর দিস্ত্রক্তকী মনুং চন্না লৈবা থাঙ্গ তোংব্রম লৈকায়দগীনি। মহাক সাহিত্য একাদেমি নিউ দিল্লীনসু যুব পুরস্কার মনা পীদুনা ইকায়খুম্নখ্রে। মহাক্কী লাইরিক ‘ঙায়োনবা ঈশৈ’ দা ইং ২০১৪ দা মনা অসি পীখিবনি।
সোর্স: পোক্নফম
0 কমেন্ট:
কমেন্ট তৌবিয়ু