image

স্ক্রিনপ্লে রাইটার ধনচন্দ্র শর্ম্মা লৈখিদ্রে

ইম্ফাল, দিসেম্বর ১ : মণিপুরী ফিল্মগী শক্নাইরবা স্ক্রিনপ্লে রাইটার লাইময়ূম ধনচন্দ্র শর্ম্মা মশাগী অনাবা অমনা মরম ওইরগা য়ূমশাকৈশা নুমিৎকী নুংথিলদা ইম্ফাল ওয়েষ্টকী য়াইস্কুলদা লৈবা মশাগী য়ূমদা লৈখিদ্রে, মহাক্না লৈখিদবদা মশাগী চহী ৭৬ শুখ্রে। লাইময়ূম ধনচন্দ্র (১৯৪৬-২০২২) না লৈখিদবদা ফিল্ম ফোরাম মণিপুরনা অৱাবা ফোঙদোরকপগা লোয়ননা লৈহৌরিবা ইমুং-মনুংগী অৱাবদসু শরুক য়ারি হায়না ফোরাম অসিগী সেক্রেটারি শান্তি রাজগী চেরোল অমনা হায়রি।

অমরোমদা, সিনে রাইটার্স এন্দ প্লেরাইট ফোরাম মণিপুরনসু ধনচন্দ্র শর্ম্মানা লৈখিদবদা উরিপোক বাচস্পতিদা লৈবা ফোরাম অসিগী ওফিসতা ঙসি ফোরাম অসিগী প্রেসিদেন্ট মনাওবী এম এমনা থৌরম মপু ওইদুনা মিনিত অনী তুমিন্না লৈদুনা অৱাবা ফোঙদোকপগী থৌরম পাঙথোকখ্রে হায়রি। ফোরাম অসিগী সেক্রেটারিগী চেরোল অমদা হায়, ধনচন্দ্র শর্ম্মা মণিপুর সেলুলোইদ অমসুং দিজিতেল ফিল্ম অনীগী লংদাইগী অকনবা থৌদাং লৌরমখিবা অইবনি। মহাক্না লৈখিদবা অসি মণিপুরগী ফিল্মগী অচৌবা মাঙজবা অমনি।

মাধবী ফিল্মগী স্ত্রিনপ্লে তৌরম্বা ধনচন্দ্র শর্ম্মানা কনাগা হিংহৌনি, অরোইবা নত্তে, অমম্বসু অঙানবনি, ইঙেনগী অতিয়া, অঞ্জলি, তেল্লবা পুন্সিগী ঈশৈ, প্রলয়গী মৈরী, ঐদি লানখিদে, মৈতৈ চনু, কাউরগে, নঙগা ঐগা থেংনরমদ্রবা অসিনচিংবা মমিং লৈরবা মণিপুরী ফিল্ম কয়া ইরম্মী হায়রি। মহাক্না লৈখিদবদা লৈহৌরিবা মহাক্কী ইমুং-মনুংগী অৱাবদা ফোরাম অসিনা শরুক য়ারি হায়রি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু