• 368
• ১লা অক্টোবর ২০২১ ইং
• Share on:

সেপ্তেম্বর ৩০- ইন্তরনেস্নেল ত্রান্সলেসন ডেঃ নুমিৎ অসিগী মরু ওইবা, থিম- য়ুনাইতেদ ইন ত্রান্সলেসন — তোংব্রম অমরজিৎ

তোংব্রম অমরজিৎ

মালেমগী মীয়ামগী খ্বাইদগী হেন্না শিজিন্নরবা ফাওন-লোল ওইরিবা ইংলিসনা অতোপ্পা লৈবাক্কী লোল কয়া মখোয়গী ওইনা শিজিন্নদুনা ইনাক খুন্নবা হোৎনরি। অমরোমদা মীশিং য়াম্না ঙাংনদবা ফুরুপশিংগী লোলনা অমুক নোংম-নোংমগী নেতিভ স্পিকর মশিং হন্থরক্তুনা লোল অদু ময়েং তাবা, মদুগী মরু ওইবদু হন্থরকপা কয়াসু য়াওদবা নত্তে। অসিগুম্বা ফিভম অসিদা মালেমগী ওইনা ইন্তরনেস্নেল ত্রান্সলেসন দে হায়দুনা পাঙথোকনবা হৌরক্লিবসি য়াম্না ফবা খোঙথাং অমনি। মীওঈবা খুনাইনা অনৌবা সভ্যতাগী মঙাল ফংদ্রিঙৈদা খ্বাইদগী মরু ওইনা খন্নরম্বা লাইরিক হায়রগদি লাইনিং লাইশোলগা মরি লৈনবা লাইরিকশিংনি হায়না লৌবা য়াই। মসিদা হিন্দুশিংগী গীতা, খ্রিস্তানশিংগীনা বাইবল, মুস্লিমশিংগী কূরান অসিনচিংবা কয়া লৈখ্রে। হায়রিবা লাইনিং লম্বীগী ওইবা তেক্সশিং অসি লোল অমদগী লোল অমদা হন্দোকপা হায়বসি অরায়বা থবক অমদি নত্তে। অসিগুম্বা লোল হন্দোকপা অসি ঙল্লৈ মতমদা লাইনিং লম্বেলদা থৱায় লুপচরবা ভক্তশিংনা তৌরম্মি। মনিপুরদসু অরিবা পুয়া লাইরিকশিং অনৌবা লোলদা ত্রান্সক্রাইব তৌবা অমদি হিন্দু লাইনিংগী লাইরিকশিং অমদি ইপিক মাহাভরত অমদি রামায়ান্না ফাওবা মনিপুরীদা হন্দোকপা লাই গুরুশিং লৈরি। অসুম্না ঙল্লৈঙৈ মতমদা লোল হন্দোকপগী থবক্তা মায়পুনখিবা হন্দোক্লোইশিংবু ঙসিগী মীরোলনা কাওফদে। মখোয়বু ইকায়খুম্নবা উৎফম থোকই। অদুননি য়ুঃএননা সেন্ট জেরোম্না লৈখিদবা নুমিৎ সেপ্তেম্বর ৩০বু ইন্তরনেস্নেল ত্রান্সলেসন ডে হায়না নীংশিং থৌরম পাঙথোক্লিবা।

মালেমসিদা লৈরিবা মশিং য়ামখ্রবা মীওই বিলিয়ন কয়াগী ফুরুপ কাংলুপ, লাইনিং লাইশোল খেন্নবা কয়াগী মরক্তা ঙাংনরিবা লোলসি চাওরাকপা অপুনবা মশিং লীশিং ৭ খরা হেল্লি হায়না পানরি। লাইবক থিবদি অপিকপা ফুরুপশিংনা ঙাংনবা লোল কয়াসু মালেমগী লৈমায়দগী অদুমক মুৎখিবসু য়াওদবা নত্তে। মীশিং য়াম্বা ফুরুপশিংনা ঙাংনবা লোলশিংদি সরকারনা মসিগী থৌশিল থৌরাং কয়া পায়খত্তুনা চাওখৎনবা হোৎনরি মালেমগী লৈবাক কয়াদা। তৌইগুম্বসুং অপিকপা ফুরুপশিংনা মশাগী লোল ময়েক লৈজরগসু গ্লোব্লেলাইজনগী অমদি ৱেস্তর্ন্নাইজেসন্না পিবা শাফুদা ঙাংনরিবা লোলদা অহোংবা কয়া লাক্লি। অখঙ অহৈশিংনা লিংগ্যুইসশিংনা হায়বসু চুম্মি, অহিংবা লোল খুদিংমক অহোংবা লৈগনি। অহোংবা অওনবা কয়াগী মরক্তা ইমালোলদি কৈদৌনুংদা মীরাইফদে। ফজবা অরিবা লোনগী পূক্কৈদা করি য়াওরি হায়দুনা থিরগা মদু শিজিন্নবদা হেন্না কান্নবা ওইগনি। মসিদা লোলগী শিনফমদা লৈরিবা লম অসিদা কত্থোকপা অমগা লোয়না থবক তৌরিবা ত্রান্সলেটরশিংগী থৌদাংসু য়াম্না চাওই।

মীওইবনা ঙাংনরিবা লোল অসিদা য়াওরি কলচর, ত্রেদিসন, পুৱারী, চৎনবী থাজনবী অমদি চিনবুং সাহিত্যগী মচাক কয়া। মীওইবনা হেক পোকপদ্গী শিবা ফাওবদা চংলিবা, শিজিন্নরিবা মচাক পুম্নমক ঐখোয়না ঙাংনরিবা লোলসিদা খুদিংমক য়াওরি। মালেমগী মীয়ামগী খ্বাইদগী হেন্না শিজিন্নরবা ফাওন-লোল ওইরিবা ইংলিসনা অতোপ্পা লৈবাক্কী লোল কয়া মখোয়গী ওইনা শিজিন্নদুনা ইনাক খুন্নবা হোৎনরি। অমরোমদা মীশিং য়াম্না ঙাংনদবা ফুরুপশিংগী লোলনা অমুক নোংম-নোংমগী নেতিভ স্পিকর মশিং হন্থরক্তুনা লোল অদু ময়েং তাবা, মদুগী মরু ওইবদু হন্থরকপা কয়াসু য়াওদবা নত্তে। অসিগুম্বা ফিভম অসিদা মালেমগী ওইনা ইন্তরনেস্নেল ত্রান্সলেসন দে হায়দুনা পাঙথোকনবা হৌরক্লিবসি য়াম্না ফবা খোঙথাং অমনি। মীওঈবা খুনাইনা অনৌবা সভ্যতাগী মঙাল ফংদ্রিঙৈদা খ্বাইদগী মরু ওইনা খন্নরম্বা লাইরিক হায়রগদি লাইনিং লাইশোলগা মরি লৈনবা লাইরিকশিংনি হায়না লৌবা য়াই। মসিদা হিন্দুশিংগী গীতা, খ্রিস্তানশিংগীনা বাইবল, মুস্লিমশিংগী কূরান অসিনচিংবা কয়া লৈখ্রে। হায়রিবা লাইনিং লম্বীগী ওইবা তেক্সশিং অসি লোল অমদগী লোল অমদা হন্দোকপা হায়বসি অরায়বা থবক অমদি নত্তে। অসিগুম্বা লোল হন্দোকপা অসি ঙল্লৈ মতমদা লাইনিং লম্বেলদা থৱায় লুপচরবা ভক্তশিংনা তৌরম্মি। মনিপুরদসু অরিবা পুয়া লাইরিকশিং অনৌবা লোলদা ত্রান্সক্রাইব তৌবা অমদি হিন্দু লাইনিংগী লাইরিকশিং অমদি ইপিক মাহাভরত অমদি রামায়ান্না ফাওবা মনিপুরীদা হন্দোকপা লাই গুরুশিং লৈরি। অসুম্না ঙল্লৈঙৈ মতমদা লোল হন্দোকপগী থবক্তা মায়পুনখিবা হন্দোক্লোইশিংবু ঙসিগী মীরোলনা কাওফদে। মখোয়বু ইকায়খুম্নবা উৎফম থোকই। অদুননি য়ুঃএননা সেন্ট জেরোম্না লৈখিদবা নুমিৎ সেপ্তেম্বর ৩০বু ইন্তরনেস্নেল ত্রান্সলেসন ডে হায়না নীংশিং থৌরম পাঙথোক্লিবা।সেণ্ট জেরোম্ ইতালিগী অৱাং নোংপোক্তা পোকখি। গ্রিক মনুস্ক্রিপ্তা লৈবা বাইবলগী ন্যুউ টেস্তামেন্টবু লেতিন্দা মরিক চুম্না ত্রান্সেলসন তৌখি অমদি হিব্রু গোস্পেলবু অমুক গ্রিক্তা ত্রান্সলেসন তৌখিবা অদুগীদমক মহাকপু ঙসিসু শোন্নরি। মহাক ইল্লিরিয়ান ফুরুপকি চাদা নাওদানি অমদি মমালোনদি ইল্লিরিয়াননি। স্কুলদা লেতিন তমখি অমসুং গ্রিক নীংথিজনা ঙাংবা হৈ অমদি য়াম্না খঙই। শিংথানিংঙাই ওইবা থবক কয়া তৌরমখি। মহাকনা লৈখিদবা সেপ্তেম্বর ৩০বু য়ুনাইতেদ নেসন্সনা ২০০৫তগী হৌনা UN St. Jerome Translation Contest হায়দুনা অথোই অহেন তান্নবগী থৌরম অমা সেন্ট অসিবু নীংশিংবা অমদি তর্পন কৎপা ওইণা পাঙথোক্তুনা লাক্লি। অসুম্না ত্রান্সেলেসনগী অথোই অহেন তান্নবা অসিনা মালেমগী তোঙান তোঙানবা লোল ঙাংলিবা মীওই কাংলুপ কয়াগী মরক্তা অমনা অমগী লোল, কলচর, ত্রেদিসন, চৎনবী কয়াবু হেন্না মশক খঙনবা হোৎনবদা অমদি নুংশি চান্নবা পুরকপকপদা চাওনা মতেং পাংলি। মসিদা ত্রান্সলেটরশিংনা লৌরিবা চাওরবা থৌদাং অসিবুসু মশক খঙবা হেনগৎহল্লি অমদি লোল হন্দোকপা অমদি মসিগী শিনফমদা লৈরিবা পুম্নমক্কি মফমদা ইকায়খুম্নবা অমদি পুকনিং থৌগৎপা মতম অদু লাক্লে। মরমদি লৈবাক অমা খুনাই অমা চাওখৎনবা হোৎনবদা য়াংলেন ওইরিবসি ঙাংলিবা অমদি ইরিবা লোল অদুনা ওইরিবনি। খোরিলোলদা খুনাইগী মমি তারিবনি। সাইন্সতা, টেকনোলোজিদা লাক্লিবা অহোংবা অওনবা কয়া অসিসু লোল হন্দোকপগী শিনফমদা লৈরিবা মীওইশিংনা শিংথানিংঙাই ওইবা থৌদাং লৌরিবনি। খুদম ওইনা প্রিন্ট অমদি ইলেকত্রোনিক মেদিয়াদা লৈরিবা জর্নেস্লিসশিংনা লৈবাক মীয়ামদা ই-পাউ কয়া পীরিবা, ইরিবা হায়রিবা কয়াসিদা ত্রান্সলেসন হায়বসিনা চাওরবা থৌদাং লৌরি। অদুনা নুমিৎ অসি নীংশিংদবা য়াদে। ত্রান্সলেটরশিংবু থৌণা পাঙ্গল হাপ্তবা য়াদে, মখোয়বু ইকায়খুম্নবা উৎফম থোকই। থেংলবসু থেংনা য়ুঃ এনগী জেণরেল এসেমব্লিগী ৱারেপ৭১/২৮৮না মে ২৪ ২০১৭দা লোল হন্দোকপগী শিনফমদা লৈরিবশিংনা মালেমগী লৈবাক কয়াবু অমত্তা ওইবগী ৱাখল্লোন শাগৎপদা অমদি ই-পাউ ফাওনবা লোয়ননা মালেমদা শান্তি পুরকনবা হোৎনবদা লৌরিবা মপাল নাইদ্রবা থৌদাং অসিবু ইকায়খুম্নবা ওইনা সেপ্তেম্বর ৩০বু ইন্তরনেসনেল ত্রান্সলেসন দে হায়না নীংশিং নুমিৎ পাঙথোকনবা ৱারেপখিবনি। মসিগী মমাংদা ইন্তরনেস্নেল ফেদরেসন ওফ ত্রান্সলেটর  ২০১৪দগী হৌনা তোঙান তোঙানবা থিমদা ইন্টরনেস্নেল ত্রান্সলেসন ডে পাঙথোক্তুনা লাক্লি। 2014−Language Rights: Essential to All Human Rights. 2015−The Changing Face of Translating and Interpreting. 2016−Translation and Interpreting: Connecting Worlds. 2017−Translation and Diversity.2018−Translation: promoting cultural heritage in changing times. 2019−Translation and Indigenous Languages during International Year of Indigenous Languages. 2020−Finding the words for a world in crisis.2021−United in translation. অসুম্না থিম কয়াদা নুমিৎ অসিবু সেলেব্রেত তৌবনা লোল অমসুং ত্রান্সলেটরশিংগী শিনফম অমদি ইমালোল ঙাংবগী মরু ওইবদু হৌরক্লিবা মীরোলদা হেন্না মমল লৈহনবা, ভেল্যুস অদু খঙহনবা ঙমহল্লি।

মনিপুরী লোল ভারত সংবিধানগী ৮শুবা সেদ্যুলদা ১৯৯২গী আগস্ট ২০ চনখি। তরাই তরাইনা ফংখিবদি ওইখিদে।Manipuri Language Demand Coordinating Committee হায়দুনা শেমখিবা কমিতি অসিনা কন্না মখল কয়াগী খোঙজং চংশিনখি। মীশি মীনা ফাওবা থোকখি। শকনাইরবা পোলিতিকেল এনালিস্ত লৈহাওথাবম শরতচন্দ্রা মাংজিল থাখি ইমালোলগীদমক। সাহিত্য থৌপাংলূপ্না মালেমগী ইমালোলগী নুমিৎ ফেব্রুৱারি ২১দা ইকায়খুম্নবা উৎখি অহানবা ওইনা। পুকনিং থৌগৎনিংঙাই ওইরিবদি মনিপুরদা লৈরিবা খোরিলোলগী লুপশিং অমদি লেঙ্গুয়েজ বিভাগ্না থৌরমশিং অসি পাঙথোকনরকপসিনি। লৈবাক অসিগী অমত্তা ঙাইরবা খোরিলোল্গী খ্বাইদগী অৱাংবা থাক্তা থবক তৌরিবা সাহিত্য একাদেমিনা শকখঙলবা লোল ২৪দা সাহিত্য একাদেমি মনা পিদুনা লাক্লি। মসি লোল ময়েক অমদি সাহিত্য চাওখৎনবা হোৎনরিবা অইবশিংদা হনবা লৈত্রবা থৌণা হাপ্লি। অসিগুম্বা মনা কয়াগী মরক অসিদা ত্রান্সলেসন প্রাইজসু ১৯৮৯দগী পিদুনা ত্রান্সলেটরশিংবু পুকনি থৌগত্তুনা লাক্লি। চাওথোকচনিংঙাই ওইরিবদি ১৯৮৯দা অহানবা মনিপুরী লোলগী ওইনা ত্রান্সলেসন প্রাইজ ফংখিবী অইবী অসি তাখেল্ললমবম থোইবী দেবিনি। মমিং লৈরবা বেঙ্গলি নোভেল ‘দ্রিস্তিপাঠ’ মনিপুরীদা হন্দোকপগীদম পীখিবনি। ১৯৭৩দগী ঙসি ফাওবসিদা মনা কয়া ফংলবা অইবা অইবী কয়া মনিপুরী খোরিলোলদসু মরাং কায়না লৈরে। অদুবু লৈরিবা ঐখোয়গী ইদুকেসনগী সিস্তেমসিনা ইমালোল মনিপুরী অসিবুদি থাক হন্থবা লোল ওইনা খলহনবা অমা ঙসিগী মীরোলশিংদা ফাওহল্লি। ইংলিস অমসুং হিন্দি ঙাংবা হৈতবা লাইরিক হৈবা মীওইশিং লাইরিক হৈতবা ওইনা খনবসি য়াম্না লাল্লি। অদুননি নেস্নেল ণোলেজ কমিসন্না রিকমেন্দ তৌদুনাMinistry of Human Resource Developmentনা Central Institute of Indian Languages বু নোদেল ওর্গ্নাইজেসন ওইনা থবক কয়া পাঙথোকনবা হায়দুনা থৌরাং অমা ওইনা নেস্নেল ত্রান্সলেসন মিসন হায়দুনা নোলেজ তেক্স পুম্নমক ইমালোলদা হৌরক্লিবা মীরোলশিংদা তমহন্নবা পান্দম থৌরাং কয়া লৌখত্তুনা ত্রান্সলেসনগী থবক কয়া লেপ্তনা পাঙথোকলক্লিবা। মসিনা পাক চাওখ্রবা ভারতকুম্বা লৈবাক্তা লৈরিবা শক চু মান্নদা, লাইনিং লাইশোল খেণ্ণবা, চৎণবী থাজনবী মান্নদবা লৈবাক অমদা অপুনবগী শক্তম শাগৎপদা চাওনা মতেং পাংলি হায়বা য়াই। ঙসিদি মনিপুরী লোল অমদি ময়েকসু নৌহৌননা হিংগৎনবা খোঙথাং কয়া লৈঙাকনা হোৎনদুনা ইশাগী লৈজরিবা ইরোল ঈয়েক্তা য়ুনিভর্সিতিগী থাক্তা মহৈ মশিন তমদুনা হৌরক্লিবা মীরোলশিং তাকপী তম্বিরি।

অমরোমদা য়েংলুবদা মালেম অসি য়াম্না থাজদবা মওং অমদা টেকনোলোজিগী এদ্ভান্সমেন্টনা শাথিনা অহোংবা কয়া ঐখোয়গী মাংদা লাক্তুনা লৈরবা মতম অমা ওইরি। আর্তিফিসিয়েল ইন্তিলিজেন্সকী য়াওল্ডা ঙসিদি ত্রান্সলেসন অসিফাওবা মেসিন ত্রান্সলেসন তৌদুনা অঙকপা মওং অমদা নোলেজসি এক্সপ্লোজন অমা লাক্লি। মসিনা হান্নবা তৌরম্বা থবক কয়া মেসিন্না পুম্নমক শিজিন্নবা য়াবগী ওইথোকপা লৈরে। স্কুল কলেজ অমদি য়ুনিভর্সিতিদা লাইব্রেরিদা লাইরিক পাবগী মহুত্তা তেব্লেট অমদা ই-বুক ওইনা তেক্স খুদিং দাউনলোড তৌদুনা খঙবা অমদি পাবা য়ারে। লোল অসি গুগল ত্রান্সলেসন তৌদুনা ঐনা খঙনিংবা পুম্নমক খুদোম্বী মতোন্দা য়াওদুনা লৈবগুম্না লাক্লি অহোংবা হায়বদু। তার্মস অমদি তর্মিনোলোজী কয়া লাক্লি। মনিপুরী লোলসু অহিংবা লোল ওইবনা অহোংবা কয়া লাক্লি। মীলিয়ন ২খরা হেনবনা ঙাংলিবা লোল অসিগী পুৱারী মসিগী ইনাকখুনবা মশক অদুনা ঙসিদি ভারতকি ক্লাসিকেল লেঙ্গুয়েজকি লোল অমা ওইনা শকখঙনবসু হোৎণরি। অসিগুম্বা হোংলক্লিবা অওনবা অহোংবা কয়া মরক্তা মালেমগী ওইনা ইন্তরনেস্নেল ত্রান্সলেসন দে হায়দুনা পাঙথোকনবা হোৎনরক্লিবসিদা মনিপুরদসু সাহিত্য থৌপাং লূপ্না হৌদোক্তুনা ইন্তরনেস্নেল ত্রান্সলেসন দে ২০১২তগী সেলেব্রেত তৌদুনা লাকখি। লূপ অসিগী সেক্রেটরিগী থৌ পুরম্বা নিংঙোম্বম রবিচন্দ্রগী লৈখিদ্রবা মনেগী মিংদা সর্দা ত্রান্সলেসন এৱার্দ হায়দুনা অহানবা ওইনা মনিপুর য়ুনিভর্সিতিগী ইংলিস দিপার্টমেন্তা প্রোফেসর ওইরিবা থৌনাওজম রতনকুমারদা পীদুনা ইকায়খুম্নবা উৎখি। মথং মথং ত্রান্সলেসনগী মনাশিং অইবা রোবিন এস ঙাঙোম, তয়েঞ্জম বিজয়কুমার, এম মনি মতৈ অসিনচিংবশিংদা ত্রান্সেলেসন মনা পীদুনা লাক্লি। মতুং তারকপদা শকনাইরবা নোংথোম্বম কুঞ্জমোহনগী মিংদা ত্রান্সলেসন মনা মথং মথং পীদুনা লাক্লি। মরমদি লোল অমদি খোরলোল মশক তাকপদা ত্রান্সলেটর অমদি অইবশিংগী থৌদাং য়াম্না চাওই। ২০২১দা শকনাইরবা অইবা অরিবম কুমার শর্ম্মদা এনঃ কুঞ্জমোহন ত্রান্সলেসন এৱার্দ পীগদৌরি। অইবা অমসুং ত্রান্সলেটর এঃ কুমার শর্ম্মনা মমিং লৈরবা মনিপুরী দ্রামা ৫ হেন্না হিন্দিদা ত্রান্সলেসন তৌদুনা মনিপুরী খোরিলোলবু মশক তাকখি। অমদি মমিং লৈরবা হিন্দি দ্রামা ২১ হেন্না মনিপুরীদা হন্দোকতুনা ওল ইন্দিয়া রেদিও, ইম্ফালদসু শন্দোকখি। নীংশিংবা য়াই অইবা অসি ২০০৩দসু সাহিত্যা একাদেমি ত্রান্সলেসন প্রাইজ ফংখি মহাকনা হিন্দি অইবা ধরম্ভির ভারতিগী নোভেলবু মনিপুরীদা ‘নুমিৎকি তরেৎশুবা শাগোল’ হায়না হন্দোকপগী।

মালেমসিদা লৈরিবা তোঙান তোঙানবা লোল ঙাংলিবা য়ামখ্রবা মীওই বিলিয়ন কয়া অসিগী মরক্তা ত্রান্সলেতরশিংনা লৌরিবা মপাল নাইদ্রবা থৌদাংসি তশেংনা হনগৎনা য়েংলবদি মপাল নাইদ্রবা খুদোল অমনি। মীওইবগী পুকনিং ৱাখল অমদি থম্মোয়বু অমত্তা ওইনা পুনশিল্লবসি অসিগুম্বা ত্রান্সলেসনগী খুদোল অসিনসু হেন্না নকশিন্নহল্লি।