সাহিত্য পরিষদ কাছাড়না মীতৈ ময়েক্কী ওরিয়েন্টেশন প্রোগ্রাম পাঙথোকখ্রে
শিলচর ৬ জুন ২০২৫ : মণিপুরী সাহিত্য পরিষদ, কাছাড় ডিস্ট্রিক্ট কমিটিনা মীতৈ ময়েক ওরিয়েন্টশন প্রোগ্রাম অমা পাঙথোকখ্রে। পরিষদগী একাডেমিক রিসোর্ছ সাব কমিটিনা শীন্দুনা চৎখিবা জুন ১, চান্দপুর সোনাই দা লৈবা অমুথোই সঙ্গীত বিদ্যালয়দা পাঙথোকখিবা প্রোগ্রাম অদুদা তোঙানবা স্কুল ২০দগী মৈতৈ ওজা ৪০ হেন্না শরুক য়াখি।
থৌরমদা সাব কমিটিগী চেয়ারম্যান এস হরিদাসনা মীফম মপু ওইরগা ডিষ্ট্রিক্ট কমিটি প্রেসিডেন্ট ৱাই প্রফুল্ল, সেক্রেটারী এন ধীরেন, সাব কমিটিগী কনভেনর এম ঙৌবা, প্রোঃ কেএইচ ধীরেন, লাই হেরামনি নচিংবা মরী লৈননা ময়েক্কী মতাংদা ৱা ঙাংখি।
ওরিয়েন্টেশন প্রোগ্রাম অদু রিসোর্ছ পার্সন ওইনা আরকে মঙানসানা অমসুং কোনসম কমলা শরুক য়াখি।
সোর্সঃ মরূপ
0 কমেন্ট:
কমেন্ট তৌবিয়ু