সাহিত্য পরিষদকী মনা ফংগদবাশিং লাউথোক্লে
ইম্ফাল, জুলাই ১১ : মণিপুরী সাহিত্য পরিষদ, ইম্ফালনা ইং ২০২৪ গী ওইনা লাইরিক্তা পীবা শেলগী মনা ফংগদবশিং ঙসি ফমখিবা পরিষদ অসিগী একজিক্যুতিব কমিতিগী মীফম্না অয়াবা পীদুনা লাউথোকখ্রে।
ৱাংখৈ পূজা লম্পাক, ইম্ফালদা লৈবা হঞ্জবম গোকুল (পিশক) শর্ম্মাদা মহাক্কী ধর্মগী মরী লৈনবা লাইরিক ‘প্রেমের ঠাকুর (নুংশিবগী মবুংঙো) শ্রীশ্রী চৈতন্যদেবগী পুন্সি ৱারী’ গীদমক শ্রীমদ পরমহংস স্বামী যোগেন্দ্রনন্দ গিরি নীংশিং মনা, ককচীং খুল্লেন পাঞ্জি লৈকায়দা লৈবা য়েংখোম নিলচন্দ্রদা মহাক্কী দ্রামা লাইরিক ‘দাকু নিংথৌ হেরাচন্দ্র’ গীদমক এলাংবম দীনমণি সাহিত্য মনা, হিয়াংলম ময়ায় লৈকায়দা লৈবা ঈ এস সন্দুরদা মহাক্কী উপন্যাস ‘লৈমপাৎকী থারিকথা’ গীদমক দাঃ য়ামিনী সাহিত্য মনা অমসুং শগোলবন্দ থাংজম লৈরক, ইম্ফালদা লৈবা পোলেম নবচন্দ্রদা মহাক্কী নৈন ৱারেং ‘শক্তম মচু মচুগী’ দমক তেলেম অবির শেলগী মনা পীরগনি। মনাশিং অসি থা অসিগী ২৮ দা পাঙথোক্কদবা পরিষদ অসিগী ৮৯ শুবা চহীগী মীফমগা মরী লৈননা লান্থোক্কনি হায়না পরিষদকী জেনরেল সেক্রেতরি, দাঃ এলাংবম প্রিয়ব্রত সিংহগী চেরোল অমনা হায়।
সোর্স: পোক্নফম
0 কমেন্ট:
কমেন্ট তৌবিয়ু