আপডেট:
image

শরতচান্দ থিয়ামনা ইবা ‘নুংশিবী ম্যান্মার’ অমদি ‘নুংশিবী জাপান’ হায়বা লাইরিক অনী ফোংখ্রে

মালেমগী মফম অমা হেক্তদা লৈরবসু ইশা ইশাগী ইমালোল ঙাংবা মথৌ তাই: করাম শ্যাম

ইম্ফাল, এপ্রিল ০৯ : মালেমগী মফম অমা হেক্তদা লৈরবসু ইশা-ইশাগী ইমালোল ঙাংবা হায়বা অসি য়াম্না মথৌ তাই হায়না লংথাবাল এসীগী এমএলএ করাম শ্যামনা ফোঙদোকখ্রে। শরতচান্দ থিয়ামনা ইবা ‘নুংশিবী ম্যান্মার’ অমদি ‘নুংশিবী জাপান’ হায়বা লাইরিক অনী ঙসি ইম্ফালগী জৱাহরলাল নেহেরু মণিপুর দান্স একাদেমী ওদিটোরিয়ামদা পাঙথোকপা থৌরম অমদা ফোঙখ্রে।

থৌরম অদুগী অথোইবা মীথুংলেন ওইনা লংথাবাল এসীগী এম এল এ করাম শ্যামনা হায়খিবদা, মালেমগী মফম অমা হেক্তদা লৈরবসু ইশা-ইশাগী ইমালোল ঙাংবা হায়বা অসি য়াম্না মথৌ তাই। ইমালোল অসি নীংথিনা য়োকখৎতুনা হেন্না চাউখৎনবা হোৎনবা তঙাইফদে। মসিদা নত্তনা ম্যান্মারদা লৈরিবা মৈতৈশিংনসু ঐখোয়গী লোলশিং মাঙখিদনবা হোৎনবীয়ু হায়খি।

ঙসি ফোঙখিবা ‘নুংশিবী ম্যান্মার’ অমদি ‘নুংশিবী জাপান’  লাইরিক অনী

ঙসি ফোঙখিবা লাইরিকশিংগী অইবা ওইরিবা শরতচান্দগী মতাংদা পল্লদুনা মহাক্না হায়খি, ওজা শরতচান্দনা নুংশিবী সেরিজ দা ইখিবা লৈবাক কয়াগী লমকোয় ৱারী য়াম্না নুংঙাইখি। মফম-মফম অদুগী চৎনবী অমদি ফজবশিং লাইরিক অদু পাবদা মফম অদুদা চৎলুবগুম ৱাখলদা ফাওহনবা ঙম্মী। লমকোয় ৱারী হায়বা অসি মীয়ামদা খ্বাইদগী ৱাখল লৌশিং পীবা লাইরিক অমা ওইরি।

জাপানগী ফজরবা চৎনবীশিংবু শীংথারদুনা মহাক্না হায়খি, জাপানগী মতম ঙাকপা অমদি মখোয়গী লৈরিবা ফজরবা লমচৎশিং তমসি। লোয়ননা অতৈ লৈবাক কয়াগী ফজবা চৎন-লোনচৎশিংসু মতৌ তমসি হায়নসু ফোঙদোকখি।

থৌরম অদুদা ম্যান্মার মান্দলেগী সোসল এন্দ কালচারেল এক্টিভিষ্ট ফুরাইলাৎপম চন্দ্রকুমার শর্ম্মা, জাপানদগী লাকখিবা মিউরা মরাদো, হর্বেলাইফ ন্যুত্রিসনগী এগজিক্যুটিভ প্রেসিদেন্টস টিম কোন্সম নোনিকান্ত, ইন্দো-ম্যান্মার কালচার এসোসিয়েসন মণিপুরগী প্রেসিদেন্ট সাপম ভৈগ্যা, ইন্দো-জাপান ফ্রেন্দশিপ এসোসিয়েসন মণিপুরগী প্রেসিদেন্ট ফুরাইলাৎপম নন্দকুমার শর্ম্মা অমসুং নহারোল সাহিত্য প্রেমী সমিটি ইম্ফালগী প্রেসিদেন্ট নাওরোইবম ইন্দ্রমনিসু শরুক য়াখি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: