image

লিতরেচর ফেস্তিবেল পাঙথোকখ্রে

 

ইম্ফাল, দিসেম্বর ২৯ : সাহিত্য থৌপাং লূপনা শীন্দুনা ঙসি নিত্যাইপাৎ চুথেক্তা লৈবা স্তেত সেন্ট্রেল লাইব্রেরিগী ওদিতোরিয়মদা ইম্ফাল লিতরেচর ফেস্তিবেল পাঙথোকখ্রে। থৌরম অদুদা এন স্রেথ চোংথামনা মৈতৈ ময়েক অমদি বেঙ্গলি ময়েক অনীমক্তা ইবা ‘পোন’ হায়না মিংথোনবা শৈরেং লাইরিক অমসুং ৱাংথোই খুমন্না ইংলিসতা ত্রান্সলেত তৌবা শৈরেং লাইরিক অনী ফোঙখি।

এম য়ুগী স্কুল ওব হ্যুমেনিতিজগী হান্নগী দিন ওইরম্বা প্রোঃ এন অরুনানা প্রিসাইদ তৌদুনা পাঙথোকখিবা থৌরম অদুদা প্লানিং এন্দ ইমপ্লিমেন্তেসন, গবর্নমেন্ত ওব মণিপুরগী দিরেক্তর লাইশ্রম রাধাকান্তনা চীফ গেস্ত ওইনা শরুক য়াখি।

থৌরম অদুগা মরী লৈননা সহিত্য থৌপাং লূপকী এদভাইজর শরতচান্দ থিয়াম্না হায়, ঐখোয়গী ইরমদমসিদা লোল, সাহিত্য অমদি হিস্ত্রিগী অৱাৎপা অমত্তা লৈতে হায়বসি মালেমগী মীপূম খুদীংমক্তা খঙহনবা মথৌ তারে। মরম অদুনা মালেমগী লৈবাকশিংগা মণিপুরগা শম্নদবা য়াদে। থোং অমা শেমদবা য়াদে। মালেমগী মফম খুদীংদা মাগী-মাগী লৈবাক-লৈবাক্তুগী ওইবা লিতরেচর অদু মীয়ামদা হেন্না খঙহন্নবগীদমক লিতরেচর ফেস্তিবেল হায়বা ফেস্তিবেলসি পাঙথোক্তুনা লাকই। লোয়ননা ইম্ফাল লিতরেচর ফেস্তিবেল পাঙথোকপগী মরুওইবা ৱাখল্লোনসু তোঙান-তোঙানবা লৈবাক্কী লৈরিবা রাইতর ময়ামসি মণিপুরদা কৌরগা ঐখোয়গী লিতরেচর অমদি লোন ময়ামসি খঙহন্নবগীদমক্তনি হায়খি।

           ৱাংথোই খুমন্না ইবা ‘পোন’ শৈরেং লাইরিক ফোঙবা

মহাক্না হায়, মমাঙদা পাঙথোকখিবা ইম্ফাল লিতরেচর ফেস্তিবেলশিংদা তোঙান-তোঙানবা লৈবাক্তগী মশক নাইরবা অইবা কয়া লাক্তুনা শরুক য়াখ্রে। মণিপুরগী লিতরেচরগী ফজবা অমদি লমদম অসি খঙহনবদা ফেস্তিবেল অসিনা অচৌবা থৌদাং অমা লৌরগা লাক্লি। ফেস্তিবেল অসি মমাঙদদি নুমিৎ নিনী-হুম্নি পাঙথোক্তুনা লাকপনি। অদুবু হন্দক্তি লৈবাক্কী ঈরাংশিংনা মরম ওইরগা নোংমখক্তং পাঙথোকপনি।

ইম্ফাল লিতরেচর ফেস্তিবেল অসি সঙাই ফেস্তিবেলগী শরুক অমা ওইনসু পাঙথোক্লম্মী। অদুবু সঙাই ফেস্তিবেল অসি মণিপুর গবর্নমেন্তনা পাঙথোকখিদ্রবসু ইম্ফাল লিতরেচর ফেস্তিবেল অসিদি চহী খুদীংগী পাঙথোক্তবা য়াদে। মরম অসিনা নোংমখক ওইরবসু ফেস্তিবেল অসি পাঙথোকপনি। ফেস্তিবেল অসিদা মণিপুরী তোঙান-তোঙানবা থৌদোকশিং অসিগী মতাঙদা নহা অইবশিংগী মীৎয়েংদা করম্না য়েংলি, করি খল্লি অমদি মখোয়গী ৱাখলোনদা করি ফাওরি হায়বনচিংবশিং অসি খঙদোক্নবগীদমক নহাশিং অসিনা মশা-মশানা ইজবা শৈরেং ৪০ গী মথক্তা পাথোক্লি হায়নসু মহাক্না মখা তানা ফোঙদোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু